30:53  53  IN  I.  LIB.  SAMUEL.  CAP.  XIV.  54  quamobrem  lux  illa  de  qua  Paulus  loquitur  in  anima  consistit,  qua  discernimur  a  reliquis  animantibus  omnis  rationis  et  intellectus  expertibus.  Haec,  inquam,  praecipue  vita  nostra  est,  nunquam  peritura,  quippe  immortalis:  sed  vitam  quandam  habemus  communem  cum  bestiis:  quae  in  eo  posita  est  ut  naturalibus  omnibus  necessitatibus  obnoxii  simus,  et  cibum,  potum,  somnum  et  similia  appetamus:  quae  vita  sensitiva  et  substantialis  nominatur.  Caeterum  quum  vita  esse  in  sanguine  dicitur,  ita  docemur  ab  omni  saevitia  et  crudelitate  abhorrere,  etiam  erga  ipsas  bestias.  Sane  licebat  carnibus  vesci  animantium:  sed  quarum  fusus  esset  sanguis:  quem  ne  degustare  quidem  cuiquam  licebat,  ne  in  pecudem  transformari  videretur  sanguine  degustato.  Iam  vero  legi  quidem  isti  non  sumus  obnoxii:  quod  Deus  veterem  illum  populum  istis  rudimentis  quae  pueros  decebant  erudire  voluerit:  sed  tamen  eius  veritas  et  substantia  remansit  Quapropter  quotiescunque  scriptura  violentiam,  vim,  caedes  et  similes  iniurias  prohibet,  tanto  horrore  illa  nos  abominari  oportere  sciamus,  ut  quum  vel  sanguinis  effusam  guttam  audimus,  fremere  et  ingemiscere  nos  oporteat:  quandoquidem  Deus  veterem  populum  voluit  bestiarum  ipsarum  sanguinem  effundere,  ut  ad  mansuetudinem  et  humanitatem  mutuam  aliorum  erga  alios  erudiretur.  Ac  sane  per  se  non  fuit  tam  flagitiosum  sanguinem  edere:  sed  mandati  finis  et  scopus  crimen  augebat.  Idcirco  hic  populus  graviter  peccasse  dicitur  sanguinem  comedendo.  Neque  enim  de  sola  caeremonia  hic  agitur,  et  de  sola  externa  observatione:  sed  de  caeremoniae  legalis  fine  et  substantia  ad  quam  Deus  maxime  respiciebat.  Quasi  diceret  Deus  se  hac  lege  tanquam  fraeno  velle  homines  retinere,  ut  alii  cum  aliis  sine  iniuria,  et  sine  fraude  versarentur.  Caeterum  hinc  apparet  Saulem  adhuc  aliquem  Dei  timorem  retinuisse,  qui  graviter  tali  populi  peccato  sit  offensus.  Sed  nihilominus  manet  ipsius  peccatum,  quod  exsecratione  populum  obstrinxit.  Nam  quis,  obsecro,  fuit  illius  fructus  aut  eventus?  Miser  populus  fame  debilitatus  erat  et  fractae  ipsius  vires:  sed  si  in  frustum  panis  aut  alterius  cibi  incidisset,  non  ausus  tamen  esset  attingere.  Sane  si  prudenter  secum  Samuel*)  illius  exsecrationis  eventum  expendisset,  non  tam  temerarius  fuisset.  Nam,  ut  videmus,  ad  vitandam  exsecrationem  in  peius  malum  plebem  induxit:  et  ipse  Ionathanus  de  vita  periclitatus  est,  quam  sine  plebis  intercessione  amisisset:  sed  Deus  plebis  intercessione  voluit  tanto  malo  mederi,  ut  ante  vidimus,  et  deinceps  pluribus  adhuc  illud  persequemur.  Iam  vero  coram  Dei  ete.  *)  Sic  codex,  lege:  Saul.