28:53  53  SUR  LE  DEUTER.  CHAP.  XXII.  54  en  ferme  prison,  pour  ieuner  la  au  pain  et  a  l'eau  :  et  qu'est-ce  que  cela?  Quand  on  dira:  O  ils  ieuneront  trois  iours,  ou  neuf  iours  (comme  on  dit):  et  cependant  voila  un  larron,  quand  il  sera  accuse  de  larrecin,  on  luy  formera  son  procez,  on  le  mettra  aux  ceps,  il  aura  la  corde,  et  en  la  fin  ii  sera  envoye  au  gibet,  ou  pour  le  meilleur  marche  qu'il  en  puisse  avoir,  il  sera  fouette.  Et  pourquoy?  O  c'est  un  larron,  il  a  desrobe,  il  a  couppe  une  bource  en  plein  marche.  Et  eestuy-ci,  quoy?  Il  est  certain  qu'il  a  pis  fait  que  de  commettre  tous  les  larrecins  du  monde  quand  il  est  ainsi  entre  au  lict  que  Dieu  a  sanctifie  en  son  nom:  il  a  fait  un  tel  meslinge  et  si  brutal.  Ne  voit-on  pas  que  c'est  un  crime  insupportable,  et  qui  doit  estre  puni  iusques  au  bout?  Si  maintenant  nous  n'ouvrons  point  les  yeux  pour  y  voir,  si  faudra-il  que  la  loy  de  Moyse  nous  iuge.  Mais  encores  les  Payens  qui  ont  eu  une  police  meilleure  que  nous  n'avons  point,  qui  ont.eu  des  loix  pour  punir  les  adulteres,  et  pour  faire  que  les  mariages  fussent  gardez:  ceux-la  s'esleveront  au  dernier  iour  a  l'encontre  de  nous,  et  monstreront  que  nous  n'avons  point  este  ignorans,  et  que  ce  n'a  pas  este  par  inadvertance  que  nous  avons  failli:  mais  par  certaine  malice,  quand  nous  avons  voulu  nourrir  le  mal.  Or  il  est  vray  que  ceste  mauvaise  coustume  vient  de  grande  anciennete:  comme  les  Papistes  diront  que  nous  sommes  sous  la  loy  de  grace,  et  que  pour  ceste  cause  il  ne  faut  point  punir  les  adulteres.  Mais  c'est  se  mocquer  de  Dieu,  quand  nous  prendrons  la  loy  de  grace  pour  une  licence  de  tout  mal.  Et  au  reste,  si  nostre  Seigneur  Iesus  Christ  n'a  point  puni  la  femme  adultere,  ce  n'est  pas  a  dire  qu'auiourd'huy  il  ait  donne  liberte  de  paillardes  Mais  quoy?  Il  n'a  pas  voulu  aussi  estre  iuge.  Quand  on  luy  a  demande  qu'il  partist  un  heritage  entre  deux  freres,  il  ne  l'a  point  voulu  faire.  Est-ce  donc  a  dire  que  les  partages  ne  soyent  point  licites?  Nenni.  Mais  c'est  pour  monstrer  qu'il  n'estoit  point  venu  pour  estre  iuge  et  arbitre.  Et  puis  notons  qu'il  dit:  Nul  ne  t'accuse:  ie  ne  te  condamne  point  donc.  Mais  cependant  sachons  qu'il  n'est  point  venu  pour  abolir  la  Loy  de  Dieu  son  Pere,  pour  rompre  toute  police,  et  pour  faire  que  son  Eglise  soit  auiourd'huy  une  estable  a  porceaux,  et  qu'il  y  ait  une  licence  de  tout  mal.  Non:  n'imputons  point  a  nostre  Seigneur  Iesus  Christ  un  tel  crime.  Car  ce  seroit  le  blasphemer  par  trop.  Mais  cognoissons  que  quand  nous  avons  ceste  loy  ici,  qu'elle  nous  doit  estre  une  instruction  iusques  a  la  fin  du  monde,  pour  tellement  cheminer  en  chastete,  que  quand  les  mariages  seront  gardez  entre  nous,  que  nous  attendions  la  benediction  de  Dieu  qui  nous  fera  prosperer.