27:53  53  SUR  LE  DEUTER.  CAP.  S.  54  voyons  comme  les  Prophetes  ont  rabbatu  le  caquet  aux  Iuifs,  afin  qu'ils  ne  se  glorifiassent  plus  en  leur  circoncision:  et  mesmes  S.  Estienne  use  d'un  tel  style  au  7.  des  Actes:  Allez  incirconcis  de  coeur  et  de  dur  cerveau,  vous  estes  comme  vos  peres,  lesquels  ont  tousiours  este  rebelles  a  Dieu,  et  vous  les  ensuyvez,  mesmes  vous  continuez  de  mal  en  pis.  Or  craignons  que  telles  reproches  ne  s'adressent  auiourd'huy  a  nous:  car  si  nous  avons  este  baptisez,  il  nous  coustera  bien  cher  d'avoir  pollue  l'eau  que  Dieu  avoit  dediee  a  un  usage  sainct  et  sacre.  Il  est  vray  que  l'eau  de  soy  n'est  rien,  mais  quand  elle  est  coniointe  a  la  parolle,  voyla  comme  un  seau  authentique  que  Dieu  y  a  engrave.  Or  celuy  qui  a  falsifie  le  seau  d'un  Prince,  ne  sera-il  point  puni  ?  Or  voici  le  seau  de  Dieu,  qui  n'est  point  seulement  pour  seeller  des  lettres  de  possessions,  de  prez,  de  vignes,  et  de  seigneuries  terriennes  :  mais  pour  nous  asseurer  que  nous  sommes  appellez  a  la  vie  celeste  :  c'est  un  seau  qui  apporte  quant  et  quant  ce  tesmoignage  que  nous  sommes  lavez  et  nettoyez  par  le  sang  de  nostre  Seigneur  Iesus  Christ,  regenerez  par  son  S.  Esprit:  que  nous  venions  a  rompre  tout  cela,  et  que  nous  demeurions  impunis?  Advisons  donc  a  nous,  et  sachons  que  nostre  Baptesme  nous  coustera  bien  cher,  sinon  que  nous  le  facions  valoir,  et  qu'il  ait  son  effect  en  nous,  tellement  que  nous  soyons  vrayement  baptisez  en  nos  ames.  Or  il  adiouste  quant  et  quant:  N'endurcissez  plus  vos  cols.  Nous  avons  desia  expose  ci  dessus  une  telle  similitude:  mais  si  faut-il  en  brief  dire  en  ce  passage  que  Moyse  a  voulu  exprimer  par  ceste  figure  que  nous  venons  d'exposer  maintenant,  c'est  a  savoir  comme  les  Iuifs  seroyent  circoncis  en  leurs  coeurs,  assavoir  s'estans  rangez  a  Dieu,  ayans  receu  son  ioug,  n'estans  plus  bestes  sauvages  pour  regimber  contre  luy.  Voyla  donc  que  Dieu  demande,  quand  ii  veut  que  nous  sojrons  renouvellez  :  c'est  assavoir,  que  nous  luy  soyons  suiets.  Or  par  cela  nous  sommes  adrnonnestez  que  cependant  que  les  hommes  demeureront  en  leur  naturel,  que  de  nature  ils  seront  rebelles  a  Dieu,  ils  ne  feront  que  le  despiter,  qu'ils  tireront  tout  au  rebours  de  sa  iustice,  brief,  ils  seront  ennemis  de  tout  bien.  Et  qu'ainsi  soit:  Dieu  ne  demande  sinon  que  nous  plions  le  col  sous  luy,  et  que  nous  portions  son  ioug  paisiblement:  voyla  toute  la  perfection  de  nostre  vie,  c'est  la  plus  grande  sainctete  que  Dieu  commande:  c'est  que  les  hommes  mortifient  toutes  leurs  mauvaises  affections:  comme  il  a  este  dit:  Qu'il  faut  qu'ils  soyent  circoncis  pour  obeir  a  Dieu  :  c'est  a  dire  qu'ils  meurent  pour  bien  vivre,  c'est  a  dire,  que  Dieu  purge  tout  ce  qui  est  de  leur  propre,  s'il  en  veut  iouir.  Retenons  donc  qu'il  n'y  aura  que  rebellion  en  nous  pour  nous  faire  eslever  contre  Dieu,  que  nous  serons  du  tout  comme  bestes  sauvages,  cependant  que  nous  demeurerons  en  nostre  naturel:  brief  cependant  que  l'homme  suyvra