26:53  53  SUR  LE  DEUTER.  CHAP.  III.  54  il  ne  faut  point  que  ie  m'esleve  ici  en  outrecuidance:  car  Dieu  m'a  donne  une  certaine  cognoissance  de  ma  foiblesse.  Il  faut  donc  que  i'y  pense,  afin  de  m'humilier  tousiours:  et  quand  ie  seray  soustenu  par  sa  main  forte,  que  ie  cognoisse  que  ce  bien  vient  de  luy,  et  qu'il  en  veut  estre  glorifie.  Voila  donc  a  quelle  intention  Moyse  a  parle  au  peuple  d'Israel:  afin  qu'il  recogneust  qu'il  n'avoit  pas  vaincu  ses  ennemis  par  force  humaine:  mais  que  c'estoit  Dieu  qui  avoit  bataille.  Or  non  seu��  lement  il  devoit  estre  induit  par  cela  a  honorer  Dieu:  mais  aussi  a  se  fier  en  luy,  comme  nous  avons  desia  touche.  Car  ce  n'estoit  point  assez  que  le  peuple  d'Israel  eust  occupe  le  pays  de  Basan:  il  n'avoit  point  encores  passe  le  Iordain,  ou  estoit  son  propre  heritage.  Il  falloit  donc  qu'il  s'armast  de  confiance  nouvelle,  et  qu'il  vinst  dispose  pour  chocquer  contre  ses  ennemis.  Et  dont  luy  pouvoit  venir  une  telle  hardiesse?  s'il  Veust  prinse  en  luy,  il  n'y  avoit  qu'une  furie  que  Dieu  eust  condamne:  mais  il  falloit  qu'il  s'enhardist,  cognoissant  que  Dieu  ne  luy  deffaudroit  point.  Et  comment  pouvoit-  il  estre  certifie  de  cela?  par  l'experience  qu'il  en  avoit  eue.  Pourquoy  est-ce  que  Dieu  avoit  desconfit  tant  Sehon,  que  Og  roy  de  Basan?  Pource  qu'il  menoit  son  peuple,  et  l'avoit  prins  en  sa  charge,  et  en  sa  protection.  Or  ce  n'estoit  point  pour  l'amener  iusques  au  bort  du  Iordain:  c'estoit  pour  accomplir  la  promesse  qu'il  avoit  donnee  a  Abraham.  Et  ainsi  le  peuple  pouvoit  conclure,  que  les  victoires  qu'il  avoit  desia  obtenues,  ne  luy  estoyent  sinon  une  entree  pour  passer  plus  outre,  en  estant  tout  persuade  et  resolu,  que  Dieu  continueroit  iusqu'en  la  fin.  Ainsi  nous  en  faut-il  faire.  Que  si  nous  voyons  un  changement  en  nous,  que  nous  cognoissions  que  c'est  la  main  de  Dieu.  Car  quelquefois,  et  le  plus  souvent  les  fideles  se  trouveront  en  tournant  la  main  estonnez  et  confus,  voire  combien  qu'il  n'y  ait  point  grande  occasion.  Mais  Dieu  les  advertit  de  leur  infirmite,  afin  qu'ils  cheminent  en  crainte  et  sollicitude,  qu'ils  i'invoquent,  et  qu'ils  se  desfient  de  toute  leur  vertu.  Et  au  reste,  quand  ils  se  voyent  estre  fortifiez,  ils  cognoissent  que  eela  n'est  pas  d'eux-mesmes,  et  qu'ils  ne  soyent  pas  si  fols  de  s'enorgueillir:  mais  qu'ils  magnifient  la  bonte,  et  la  grace  de  Dieu  envers  eux:  et  la  dessus  qu'ils  prennent  courage.  Il  est  vray  que  nous  sommes  povres  creatures  et  fragiles:  mais  tant  y  a  que  nostre  Dieu  nous  a  aidez,  afin  que  nous  esperions  en  luy.  Marchons  donc  selon  qu'il  nous  commande,  et  ne  doutons  point  que  demain  il  ne  se  monstre  semblable  a  soy:  que  la  memoire  de  sa  promesse  n'est  point  pour  un  iour:  et  quand  il  s'est  declaire  nostre  pere,  ce  n'a  pas  este  pour  nous  ietter,  comme  font  les  bestes  qui  mescognoissent  leurs  petits,  les  oyseaux  qui  laissent