22:53  53  INSTRUCTION  ET  CONFESSION  DE  FOY.  54  pour  son  peuple.  Toute  puissance  luy  est  attribuee,  par  quoy  il  c$t  signifie  quil  administre  toutes  choses  par  sa  providence,  les  gouverne  par  sa  volunte  et  les  conduict  par  sa  vertu  et  puissance.  50)  Quand  il  est  nomme  createur  du  ciel  et  de  la  terre,  il  fault  avec  cela  entendre  que  perpetuellement  il  entretient,  soustient  et  vivifie  tout  ce  quil  a  une  fois  cree.  Et  en  Iesus  Christ  son  seul  Fite,  nostre  Seigneur.  Ce  que  nous  avons  par  avant  enseigne,  que  Christ  est  le  propre  obiect  de  nostre  foy,  apparoist  faciilement  de  ce  que  toutes  les  parties  de  nostre  salut  sont  icy  representees  en  luy.  Nous  lappellons  Iesus,  duquel  tiltre  il  a  este  honore  par  revelation  celeste,  car  il  a  este  envoye  pour  sauver  son  peuple  de  leurs  pechez.  Pour  laquelle  raison  lEscripture  afferme  (Act.  4)  quil  na  point  este  donne  autre  nom  aux  hommes  auquel  il  leur  faille  obtenir  salut.  Le  tiltre  de  Christ  signifie  quil  a  este  pleinement  arrouse  de  toutes  les  graces  du  S.  Esperit,  lesquelles  en  lEscripture  sont  designees  par  le  nom  dhuille,  pourtant  que  sans  icelles  nous  defaillons  comme  secz  et  steriles.  Or  il  a  par  ceste  unction  este  constitue  Roy  de  par  le  Pere,  pour  se  assubiectir  toute  puissance  au  ciel  et  en  la  terre,  affin  que  nous  feussions  en  luy  roys,  ayans  domination  sur  le  diable,  peche,  mort  et  enfer.  Secondement,  il  a  este  constitue  Sacrificateur,  pour  nous  appaiser  et  reconcilier  le  Pere  par  son  sacrifice,  affin  que  nous  feussions  en  luy  sacrificateurs,  offrans  au  Pere  prieres,  actions  de  graces,  nous  mesmes  et  toutes  choses  nostres,  layans  pour  nostre  intercesseur  et  mediateur.  Oultre  cela  il  est  dict  Filz  de  Dieu,  non  pas  comme  les  fideles  par  adoption  et  grace  seulement,  mais  vray  et  naturel,  et  pourtant  seul  et  unique,  affin  quil  soit  discerne  des  aultres.  Et  il  est  nostre  Seigneur,  non  pas  seulement  selon  sa  divinite,  laquelle  de  toute  eternite  il  a  eu  une  avec  le  Pere,  mais  aussi  en  celle  chair  en  laquelle  il  nous  a  este  manifeste.  Car,  comme  dict  S.  Paul  (1.  Corinth.  8)  :  II  y  a  un  seul  Dieu  duquel  sont  toutes  choses,  et  un  seul  Seigneur  Iesus  Christ  par  lequel  sont  toutes  choses.  Qui  a  este  conceu  du  sainct  Esperit,  ne  de  la  vierge  Marie.  Nous  avons  icy  comment  le  Filz  de  Dieu  nous  a  este  faict  Iesus,  cest  a  dyre  Sauveur,  et  Christ,  cest  a  dire  oinct  pour  Roy  qui  nous  conservast,  et  50)  manu.