15:53  53  1554  FEBRUAR.  54  insignem  vestri  progressus  aequitatem  intelligant.  Non  hic  privati  odii  et  simultatis  atque  invidiae  causas  nominatim  recensebo,  quas  omnibus  satis  notas  esse  existimo  :  sed  hominis  detentionem  et  processum  quam  brevissime  et  verissime  potero  enarrabo.  Michael  Servetus  Villanovanus  Tarraconensis,  medicae  artis  peritissimus,  Lucam  illum  medicum,  cuius  plurima  in  evangelio  laus  est,  imitatus,  quum  plurimum  ingenio  valeret,  et  de  veritate  religionis  mundum  tumultuari  nec  non  plurimorum  scriptis  et  voluminibus  infarciri  satis  aegre  conspiceret,  animum  suum  ad  sacras  literas  subinde  transtulit  ,  in  eisque  omne  suum  studium  et  ingenium  collocavit.2)  Quumque  Lutheranos  et  Zwinglianos  et  Papistas  de  caeremoniis  externis  et  ritibus  atque  primatu  digladiari  cognosceret,  interea  vero  circa  veri  et  summi  Dei  nec  non  Domini  Iesu  Christi  filii  eius  unigeniti  cognitionem  et  substantiam  atque  mysteria  falso  et  impie  convenire,  aliquanto  diligentius  rem  scrutari  coepit,  ac  de  vero  Deo  et  eius  filio  ex  scripturarum  fonte  omnia  maturius  considerare.  Tandem  ubi  se  aliquid  quod  universo  christiano  gregi  profuturum  esset  assequutum  putavit,  librum  de  Erroribus  trinitatis  emisit,3)  in  quo  sententiam  de  Deo  et  Dei  filio  libere  explicavit,  docens  unum  tantum  simplicissimum  Deum,  neque  trinum,  neque  trinomium,  neque  divisum,  neque  compositum,  scilicet  aeternum  illum  patrem  et  monarcham,  rerum  omnium  autorem,  per  verbum  et  spiritum  suum  omnia  dispensantem,  nec  non  et  unicum  ipsius  Dei  filium,  Iesum  Christum  illum  ex  virgine  Davidica  natum,  neque  alium  filium  Dei  invisibilem  ex  scripturis  ostendi:  multa  insuper  alia  tractans  et  affirmans  quae  recentibus  scriptoribus,  praesertim  Genevensibus  quos  ille  nominatim  arguebat,4)  quam  maxime  displicerent.  Unde  commoti  illi  atque  irritati,  nec  talem  spiritum  diutius  ferre  valentes,  odiis  calumniis  insidiis  persequi  non  destiterunt.  Quumque  ille  in  gallicanis  regionibus  se  plus  nimio  premi  videret,  nullumque  sibi  locum  per  aemulorum  insidias  relictum  ubi  securus  degere  posset,  tandem  secum  in  animo  statuit  in  Italiam  transire  ibique  reliquum  suae  vitae  tempus  transigere.5)  Itaque  collectis  sarcinulis  comparataque  ex  rebus  et  laboribus  suis  aliquanta  pecunia  itineri  se  infortunatus  accinxit,  et  Genevam  primum  incognitus  venit.  Neque  enim  de  malo  illorum  erga  se  animo  dubitabat,  sed  evangelicae  pietatis  et  mansuetudinis  2)  De  Serveti  studiis  biblicis  fuse  disseruit  V.  D.  in  Htlgenfeldii  ZS.  f.  Theol  1875.  I.  3)  De  Restitutione  christianismi  hic  nihil  4)  Hoc  in  libro  de  Trinitatis  erroribus  minime  factum  constat,  verum  demum  in  Epistolis  ad  Calvinum  'Restitutioni  subiectis.  5)  Vide  Opp.  VI1L  749.  770.