10.1:53  ORDONNANCES.  Les  poinnes.  *)  1.  Que  eeulx  qui  ne  font  pas  leur  debvoir  de  venyr  soient  advertyz  par  les  gardes,  tant  pour  eulx  que  pour  leur  famillie.  2.  Si  appres  ladvertissement  il  continuent  a  fallyr,  que  pour  chescune  foys  ils  soient  a  trois  gros  damende,  dont  la  troisiesme  partie  sera  applicquee  aux  gardes  et  les  deux  aultres  aux  pouvres  de  la  paroisse,  et  seront  mises  au2)  plot  de  lesglise  pour  estre  distribuez  selon  la  necessite  comme  est  sus  desclairez.  3.  Sil  y  en  a  qui  viennent  appres  le  sermon  commence,  quil  soient  advertis,  et  si  appres  ladvertissement  faict  il  ne  se  corrige,  pour  chescune  faulte  quil  soient  a  lamende  de  troys  solz  lesquelz  seront  aplicques  comme  dessus.  4.  Si  durant  que  ung3)  presche  quelcun  faict  aucune  dissolution  ou  scandalle,  quil  soyt  remys  au  consistoyre  pour  y  adviser,  affin  quon  y  procede  selon  la  mesure  du  delict,  ascavoir  si  cest  par  legierete  quon  luy  en  face  une  bonne  remonstrance  verballe  sil  ce4)  trovoyt  que  ce  fust  par  mallice  contennement  ou  rebellion,  quil  soyt  remys  a  messieurs  pour  estre  puny  comme  il  appartiendra.  Par  qui  les  amendes  seront  exigees.  1.  Que  le  chastellain  du  lieu  au  rapport  des  ministres  et  des  gardes  contragnent5)  les  delinquantz  a  poier6)  les  amendes  quil  auront  encoru,7)  quand  il  ne  vouldroient  les  poier  de  leur  bonne  volunte,  toutesfois  que  les  excuses  legitimes  soient  receupes,  mais  que  cella  se  face  sans  figure  de  prosses.8)  2.  Sil  y  en  avoyt  de  si  rebelles  qui  pour  les  poinnes  susdictes  ne  se  corrigeassent  point,  quil  soient  remys  au  consistoire  avecq  avertissement,  affin  de  requerir  messieurs  de  les  punyr  selon  lexigence  de  leur  obstination.  3.  Que  les  peres  soient  tenus  pour  leurs  enfans  et  sil  y  a  faulte  quon  se  pregne  9)  a  eulx.  Du  Baptesme.  1.  Que  le  baptesme  se  administre  chescun  iour  moiennant  quil  se  face  sermon  quant  et  quant,  1)  Des  peines.  2)  aux.  3)  quon.  4)  se.  5)  contraignent.  6)  paier.  7)  incouru.  8)  proces.  9)  quon  sen  preine  premierement.