9:529  529  RESPONSIO  AD  VERSIPELLEM  QUENDAM  MEDIATOREM,  QUI  PACIFICANDI  SPECIE  RECTUM  EVANGELII  CURSUM  IN  GALLIA  ABRUMPERE  MOLITUS  EST.  Excusus  est  his  diebus  virulentus  liber  plausibili  titulo  fucatus:  De  officio  pii  ac  publicae  tranquillitatis  vere  amantis  viri  in  hoc  religionis  dissidio.  Autor  nomen  suum  ideo  se  non  adscripsisse  excusat,  ne  conceptum  ex  persona  praeiudicium  causae  obesset.  Equidem  facile  patiar  de  re  tota  integrum  [pag.  4]  ex  libro  iudicium  fieri  :  modo  e  medio  tollantur  larvae,  quas  sibi  multiplices  induit  ad  fallendos  imperitos.  Se  a  prima  adolescentia  valde  religiosum  fuisse  iactat,  nec  tamen  superstitionibus  deditum:  sibique  arrogat  quod  nemo  quamlibet  excellentis  ingenii  de  se  profiteri  ausit:  ut  simplicibus,  qui  praesertim  eum  non  noverunt,  persuadeat  se  angelum  esse  e  coelo  delapsum,  cuius  voci  non  secus  atque  oraculo  acquiescere  rectum  ac  tutum  sit.  At  quoniam  apud  nos,  quibus  pridem  familiariter  cognitus  est,  nullum  huius  tantae  vel  pietatis,  vel  prudentiae  specimen  edidit,  sibi  a  nimia  [pag.  5]  credendi  facilitate  caveant  lectores.  Conqueritur  graves  et  moderatos  viros,  quorum  videri  vult  signifer  magis  quam  postremus,  excludi  a  publicis  consiliis,  nec  autoritate  qua  decebat  valere  ad  sedandas  turbas.  Quasi  vero  nos  lateat  quorsum  nuper  profectus  sit  in  Galliam:  quam  fallaci  praetextu  simulaverit  curanda  sibi  esse  domestica  negotia,  quum  recta  se  ad  eum  contulerit,  ex  cuius  gratia  sperabat  opimaml)  praedam  :  quae  consilia  coxerit,  et  postea  agitaverit:  quam  se  proditorie  insinuaverit  apud  quosdam  proceres:  et  quibus  nunc  quoque  artibus  se  venditare  [pag.  6]  cupiat.  Commendat  suum  studium:  aequo,  moderato,  amico  et  fraterno  animo  librum  meras  imposturas  et  praestigias  spirantem,  tuendis  ac  tegendis  impiis  erroribus  compositum,  et  refertum  calumniis  ac  virulentia,  a  se  editum  fuisse  asserit.  Atqui  par  superbiae  et  fastus,  deinde  servilis  inali-  1)  optimam  Beza.  Galmni  opera.  Vol  IX.