7:529  529  IUDICIAIRE.  530  toilles  signifient  cecy  ou  cela.  Comme  auiourdhuy  nous  ne  povons  reprendre  ceste  erreur,  sinon  en  disant  qu'il  ne  se  faut  point  amuser  a  telles  significations.  Quant  au  texte  de  Moyse,  ilz  le  deschirent  en  le  voulant  estendre  iusqu'a  leur  folle  phantasie:  Dieu  a  ordonne  les  estoilles  pour  estre  en  signes.  1)  Mais  il  faut  noter,  de  quoy?  Or  tout  homme  de  sain  iugement  entend  bien  que  Moyse  a  voulu  toucher  [page  34]  ce  que  i'ay  declaire  cy-dessus  de  l'usage  de  la  vraye  astrologie.2)  Si  les  estoilles  nous  sont  en  signes  pour  nous  monstrer  la  saison  de  semer  ou  planter,  de  saigner  ou  donner  medecine,  conpper  le  bois,  ce  n'est  pas  a  dire  pourtant  qu'elles  nous  soyent  signes  pour  savoir  si  nous  devons  vestir  une  robbe  neuve,  traffiquer  en  marchandise  le  lundy  plustost  que  le  mardy,3)  et  choses  semblables,  qui  n'ont  nulle  correspondance4)  avec  les  astres.  Tout  ainsi  donc  que  nous  confessons  les  signes  naturelz,  aussi  nous  detestons  la  sorcelerie,o)  que  le  Diable  a  inventee  par  les  devins.  Parquoy  c'est  une  calumnie  trop  impudente  qu'ilz  nous  imposent,  voulans  faire  accroire  que  nous  destruisons  l'ordre  que  Dieu  a  estably,  en  ostant  aux  astres  la  propriete  de  signifier,  et  mesmes  que  nous  condamnons  une  science  tant  belle  et  tant  utile.  Toute  ceste  couverture6)  leur  est  ostee  en  un  mot,  quand  on  distingue  entre  l'Astrologie  naturelle  et  ceste  bastarde  qu'ont  forgee  les  Magiciens.  Ie  say  que  de  savoir  le  cours  des  astres,  leur  vertu  et  ce  qui  est  de  semblable,  non  seulement  apporte  grande  utilite  aux  hommes,  mais  incite  a  magnifier  Dieu  en  ceste  sagesse  admirable  qui  se  monstre  la.  Car7)  combien  que  les  plus  ignorantz  [page  35]  et  idiotz  ne  puissent  lever  les  yeux  au  ciel  sans  avoir  ample  matiere  de  glorifier  Dieu,  toutesfois  ceux  qui  ont  estudie  pour  comprendre  les  secretz  de  nature,  qui  ne  sont  point  cogneuz  de  tous,  doyvent  estre  beaucoup  plus  incitez  a  en  faire  leur  devoir.  Mais  c'est  autre  chose  du  droit  usage  et  modere,  que  de  l'abus  et  excez.  Si  quelcun,  en  louant  le  vin,  vouloit  approuver  l'yvrongnerie,  tout  le  monde  ne  s'esleveroit-il  pas  contre  luy,  pource  qu'il  seroit  un  meschant  corrupteur  des  oeuvres  de  Dieu?  Autant  en  font  ceux  1)  Le  traducteur  ajoute:  Quis  negat?  2)  de  vero  et  legitimo  usu  astrologiae.  3)  Martis  aut  Veneris.  4)  rationem  et  convenientiam.  5)  praestigia  et  veneficia.  6)  callida  et  veteratoria  ratio.  7)  Etsi  enim  nulli  adeo  rudes  sunt  atque  a  natura  tam  male  informati  quin,  quum  oculos  in  coelum  sustulerint,  tantumque  ornatum  mundi,  tantam  varietatem  pulchritudinemque  rerum  coelestium  aspexerint,  non  uberrimum  atque  amplissimum  argumentum  habeant  Deo  gloriam  et  cultum  debitum  tribuendi:  eos  tamen  ete.  Calvmi  opera.  Vol  VIL