48:529  529  CAPUT  XXV.  530  sante  quod  neque  in  legem  Iudaeorum,  neque  in  templum,  neque  in  Caesarem  quidquam  peccasset.  1.2.3.i.  Festus  ergo.  Hic  secunda  actio  nobis  describitur,  in  qua  non  minus  difficile  certamen  nec  levius  discrimen  subiit  Paulus  quam  in  priore.  Quod  in  vinculis  relictus  fuerat,  suspicari  potuit  Festus  perplexam  esse  causam,  ac  inde  facere  iniquum  praeiudicium.  Sed  aliunde  gravius  periculum  instabat.  Scimus  novos  praesides,  ut  gratiam  captent  a  provincialibus,  multa  illis  suo  adventu  solere  largiri.  Ita  credibile  erat  Pauli  mortem  Festo  non  ingratum  fore  praeludium  occupandi  favoris.  Nova  igitur  tentatione  de  integro  impetitur  sancti  viri  fides,  ac  si  vana  fuisset  Dei  promissio,  in  quam  hactenus  recubuerat.  Sed  eo  se  clarius  profert  in  eo  liberando  Dei  gratia,  quod  praeter  spem  e  faucibus  mortis  eripitur.  Praeveniunt  suis  calumniis  praesidem  Iudaei:  nondum  tamen  de  supplicio  contendunt,  sed  tantum  rogant,  ne  in  alienum  forum  ad  causam  agendam  trabantur.  Quod  in  speciem  aequum  erat,  ambitiose  et  magni  beneficii  loco  flagitant.  Qui  fit  ergo  ut  non  impetrent,  nisi  quod  divinitus  retinetur  animus  Festi,  ut  illis  constanter  neget  quod  postea  concedere  paratus  fuit?  Sicuti  autem  arcano  providentiae  suae  fraeno  Dominus  tunc  animum  eius  vinctum  tenuit:  ita  quum  illi  permisit  velle,  ligavit  manus  ne  liberum  esset  exsequi  quod  volebat.  Haec  nos  fiducia  in  periculis  sustentet,  simulque  sollicitet  ad  invocandum  Deum:  et  mentes  nostras  tranquillet,  quod  Dominus  opposita  manu  sua  tam  validam  conspirationem  frangens  aeternum  documentum  suae  in  protegendis  fidelibus  potentiae  exhibuit.  5.  6.  Qui  ergo  inter  vos.  Graece  ad  verbum  habetur:  Qui  potentes  sunt,  vel  possibiles:  sed  intelligit  quibus  erit  commodum.  Coniicere  autem  promptum  est,  molestiam  et  sumptus  causatos  esse,  et  precatos  esse  ne  tot  homines  primarios,  ac  quosdam  etiam  senio  graves,  supervacuo  itinere  fatigaret  praeses:  potius,  quod  nullo  negotio  fieri  poterat,  iuberet  Paulum  a  paucis  custodibus  adduci.  Ergo  ne  gravari  se  querantur,  hanc  illis  necessitatem  remittit,  ac  liberum  facit  ut  ex  sua  cohorte  deligant  quos  volent.  Interea  satis  declarat,  se  illorum  criminationibus  non  habere  fidem,  ac  integrum  fore  iudicem  profitetur,  qui  nihil  acturus  sit  nisi  ex  causae  veritate.  Proximae  sententiae  diversa  est  etiam  apud  Graecos  lectio.  Quidam  enim  codices  habent  quod  reddidit  vetus  interpres,  dies  non  amplius  octo  vel  decem.  Si  haec  lectio  placeat,  sensus  erit,  praesidem  venisse  paulo  post  Caesaream,  ne  praetextu  longioris  morae  importunius  ipsum  urgerent  Iudaei.  Altera  lectio,  quae  magis  recepta  est  apud  Graecos,  diversum  habebit  sensum.  Quamvis  diu  satis  futurus  essat  Ierosolymae  ad  cognoscendam  Calvini  opera.  Vol.  XLVIII.