37:529  529  IN  IEREMIAM.  CAP.  II.  530  detegunt  suam  impudentiam,  quum  eorum  improbitas  sit  in  omnium  conspectu,  noa  est,  sit  ita  manifesta,  ut  nullis  coloribus  possint  eam  tegere.  Nec  tantum  de  vulgo  ipso  loquitur,  sed  reges,  et  proceres,  et  sacerdotes,  et  prophetas  accusat:  quasi  diceret  a  minimo  usque  ad  maximum  omnes  ita  esse  corruptos,  ut  abiecto  omni  pudore,  prae  se  tulerint  manifestum  et  crassum  Dei  contemptum,  ubi  scilicet  sequuti  sunt  sua  figmenta,  et  superstitiones.  Et  tamen  dubium  non  est,  quin  multis  exceptionibus  conati  fuerint  Iudaei  se  defendere:  sed  Deus  hic  discutit  omnes  illas  fallacias,  quibus  putabant  sua  flagitia  posse  tegi:  et  dicit  nihilominus  esse  fures  manifestos.  Caeterum  quod  propheta  ante  dixerat,  Iudaeos  aliter  loquutos  esse,  et  nunc  traducit  eorum  impudentiam:  haec  inter  se  non  discrepant,  quoad  sensum.  Negabant  Iudaei  se  esse  apostatas,  vel  perfidos,  vel  deseruisse  cultum  Dei:  negabant  verbis,  sed  ubi  nunc  propheta  producit  in  medium  ipsorum  impudentiam,  non  agit  amplius  de  verbis.  Habebant  enim  fallaces  suos  praetextus,  quemadmodum  ante  dictum  fuit:  sed  rem  ipsam  propheta  nunc  sumit,  et  dicit  eos  improbe  et  pervicaciter  Deo  resistere,  ita  ut  eorum  desperata  sit  malitia  et  obstinatio.  Nunc  sequitur,  27.  Dicentes  ligno,  Pater  meus  tu  (hoc  est,  tu  es  pater  meus),  et  lapidi,  Tu  genuisti  me  (si  legamus  per  *>:  si  autem  per  1:  tu  genuisti  nos),  quia  verterunt  mihi  cervicem  (dorsum  alii  vertunt,  vel  posteriora),  et  non  faciem:  In  tempore  autem  calamitatis  suae  dicent  (hoc  est,  dicunt),  Surge,  et  serva  nos.  28.  Et  ubi  sunt  dii  tui,  quos  fecisti  tibi?  Surgant  an  servent  te  tempore  mali  tui  (hoc  est  afflictionis  tuae,  sicuti  prius),  quia  secundum  numerum  urbium  tuarum  fuerunt  dii  tui  Iehudah.  Hic  iam  confirmat  propheta  quod  prius  dixerat  de  obstinata  populi  malitia.  Ostendit  igitur  se  non  frustra  dixisse  nimis  crassa  esse  ipsorum  scelera,  nec  posse  ullis  cavillis  excusari.  Dicunt  enim,  inquit,  ligno,  Tu  es  pater  meus,  et  lapidi,  Tu  genuisti  me.  His  verbis  intelligit  propheta  idololatriam  ita  fuisse  grassatam  in  populo  illo,  ut  palam  transferrent  veri  Dei  honorem  ad  statuas  suas,  sive  ligneas,  sive  lapideas.  Caeterum  hic  propheta  designat  quod  maxime  detestabile  est  in  idololatria,  nempe  ubi  transfertur  honor  Dei  ad  statuas,  non  tantum  quoad  externam  caeremoniam,  ubi  scilicet  genua  flectuntur  coram  statuis,  sed  ubi  salus  expetitur  ab  ipsis.  Et  hoc  diligenter  notandum  est:  nam  papistae  hodie  etiam  si  se  prosternant  coram  suis  picturis  et  statuis:  tamen  ubi  premuntur,  non  agnoscunt  hunc  fontem  idololatriae.  Dicunt  se  colere  statuas,  non  latria,  quemadmodum  loquuntur,  sed  tantum  dulia,  Calvini  opera.  Vol  XXXVII.