35:529  529  SUR  LE  CANTIQUE  D'EZECHIAS.  530  reculons,  ou  bien  il  nous  adviendra  de  chopper  ou  de  trebuscher.  Voyla  donc  comme  nous  avons  bien  a  regretter  nostre  vie:  non  point  par  un  desespoir,  mais  d'autant  que  nous  devons  hayr  le  peche  et  l'avoir  en  detestation.  Il  faut  aussi  que  nous  desirions  que  Dieu  nous  retire  de  ceste  captivite  si  miserable  en  laquelle  nous  sommes:  comme  sainct  Paul  nous  en  montre  l'exemple.  Il  se  confesse  estre  malheureux,  d'autant  qu'il  habite  en  son  corps  comme  en  une  prison:  il  demande  comment  il  en  sera  delivre.  Et  puis  d'autre  part  nous  scavons  que  la  mort  nous  est  plus  desirable,  d'autant  que  nous  approchons  de  nostre  Dieu.  Car  (comme  il  est  dit  en  ce  passage  que  nous  avons  allegue)  cependant  que  nous  vivons  par  foy:  nous  sommes  comme  absens  de  Dieu.  Or  ou  est  nostre  felicite  et  nostre  ioye  parfaite,  sinon  que  nous  adherions  a  nostre  Dieu  en  perfection?  D'autant  donc  que  nous  approchons  de  luy  par  la  mort,  ce  nous  est  une  chose  heureuse,  et  qui  nous  doit  esiouir.  Et  voyla  pourquoy  il  dit  au  premier  chapitre  des  Philippiens,  v.  23,  que  quant  a  luy,  il  luy  seroit  plus  grand  gain  de  mourir  que  de  vivre,  et  combien  que  sa  vie  fust  proufitable  a  l'Eglise,  toutes  fois  s'il  n'avoit  esgard  qu'a  sa  personne,  qu'il  voudroit  bien  estre  retire  d'yci  bas,  voyla  donc  quelle  doit  estre  l'affection  des  fideles.  Or  venons  au  Roy  Ezechias.  Il  semble  qu'il  ait  perdu  tout  goust  de  la  bonte  de  Dieu  qu'il  ne  scache  que  c'est  de  la  resurrection,  qu'il  ne  cognoisse  point  qu'il  sera  restaure  par  le  moyen  du  Redempteur:  il  n'apprehende  sinon  l'ire  et  la  malediction  de  Dieu.  Ou  est  sa  foy?  ou  est  son  obeissance?  ou  est  ceste  consolation  du  sainct  Esprit,  et  ceste  ioye  inestimable  que  nous  devons  recevoir  quand  Dieu  nous  certifie  de  l'amour  qu'il  nous  porte?  Mesme  s'il  avoit  ceste  persuasion-la  bien  enracinee,  qu'il  est  des  enfans  de  Dieu,  l'adoption  n'emporte  -  elle  point  l'heritage?  Pourquoy  Dieu  nous  a-il  choisis  pour  ses  enfans,  sinon  afin  que  nous  soyons  participans  de  la  vie  celeste  a  laquelle  il  nous  convie?  Or  nous  ne  voyons  rien  de  tout  cela  en  Ezechias.  Il  semble  donc  qu'il  soit  du  tout  aliene  de  sens  et  de  raison,  qu'il  ait  mis  Dieu  en  oubli,  que  tout  ce  qu'il  a  ouy  auparavant  de  bonne  doctrine  soit  efface  et  qu'il  n'y  pense  plus.  Ces  choses  de  primeface  seroyent  bien  estranges.  Il  est  vray  que  de  ce  temps-la  il  n'y  avoit  point  une  telle  revelation  celeste,  comme  nous  l'avons  auiourd'huy  par  l'Evangile:  mais  si  est-ce  qu'Ezechias  et  tous  les  autres  saincts  Roys  et  Prophetes,  et  tout  le  reste  des  fideles  ont  bien  apprehende  que  Dieu  ne  les  avoit  pas  choisis  en  vain:  car  combien  que  ceste  sentence  ne  fust  point  prononcee  de  nostre  Seigneur  Iesus  Christ,  si  est-ce  qu'elle  estoit  engravee  au  coeur  de  tous  Calvini  opera.  Vol  XXXV.