25:529  529  COMMENTARIUS  IN  IOSUE  CAP.  XVI.  530  inscite  se  torquent  nonnulli,  quomodo  neptem  suam  Othoniel  duxerit  uxorem:  quia  iam  tale  coniugium  lege  prohibitum  fuerat.  Atqui  colligere  promptum  est  non  patruum  fuisse,  sed  tantum  patruelem.  Verum  hic  quaeritur  quomodo  de  filia  sua  pacisci  ausus  fuerit  Caleb,  donec  certior  de  eius  voluntate  factus  esset.  Quanquam  enim  parentum  munus  est  filias  suas  elocare;  non  tamen  illis  permittitur  tyrannicum  imperium,  ut  eas  inconsultas  addicant  quibuscumque  visum  fuerit  maritis.  Nam  quum  voluntarii  esse  debeant  omnes  contractus:  in  coniugiis  maxime  vigere  debet  libertas,  ne  quis  invitus  fidem  suam  obstringat.  Verum  probabili  ratione  adductus  fuit  Caleb,  ne  de  filiae  suae  consensu  dubitaret,  quia  verecunde  repudiari  non  poterat  tam  honorifica  conditio.  Maritus  enim  dabatur,  non  quilibet  ex  vulgo  :  sed  qui  bellica  virtute  alios  omnes  antecelleret.  Quanquam  fieri  potest,  ut  in  fervore  pugnae  inconsiderate  promiserit  Caleb,  quod  praestare  non  erat  in  eius  arbitrio.  Mihi  tamen  videtur  exponenda  fuisse  pactio  ex  iure  communi,  si  accederet  puellae  voluntas.  Deus  certe  votum  Caleb  exaudivit,  dum  generum  obtulit  ex  animi  sententia.  Nam  si  alioqui  data  fuisset  optio,  neminem  magis  optasset.  18.  Fuitque  quum  veniret.  Etsi  coniicere  licet  Acsa  puellam  fuisse  egregiis  moribus,  et  probe  institutam,  cuius  nuptiae  singularis  praemii  loco  victori  promissae  fuerint:  hic  tamen  detegitur  perversa  eius  cupiditas.  Sciebat  mulieres  Dei  lege  a  fundis  haereditariis  excludi:  at  nihilominus  appetit,  et  maritum  iniqua  expostulatione  stimulat.  Sic  enim  ambitiosae  et  cupidae  uxores  viris  molestae  esse  non  desinunt,  donec  pudoris,  modestiae  et  aequitatis  eos  oblivisci  cogant.  Nam  etsi  virorum  quoque  inexplebilis  est  avaritia:  feminae  tamen  magis  praecipites  feruntur.  Quo  attentius  cavere  debent  viri,  ne  importunis  earum  consiliis  tanquam  flabellis  accendantur.  Sed  maior  intemperies  se  prodit,  dum  mariti  facilitate  et  patris  indulgentia  audacior  redditur.  Nam  agro  sibi  dato  non  contenta,  regionem  irriguam  sibi  poscit.  Ita  ubi  quis  semel  transsilivit  recti  et  honesti  modum,  vitium  illud  protinus  sequitur  impudentia.  Porro  quod  pater  nihil  negavit,  signum  fuit  rari  amoris.  Sed  non  ideo  sequitur,  quin  merito  exosa  sit  improba  lucri  cupiditas,  quae  mentes  excaecat,  rectumque  iudicium  pervertit.  Quod  dicitur  Acsa  descendisse  ex  asino,  quidam  ad  simulationem  et  astutiam  referunt,  quasi  moerore  concideret:  atque  ita  lapsus  indicium  esse  deliquii  vel  defectionis  animi.  Verum  simplicius  est,  quo  suppliciter  patrem  rogaret,  descendisse  ad  eius  pedes.  Quidquid  sit,  astu  et  blanditiis  sibi  conciliavit  mulier  ius  alienum:  unde  tantundem  diminuta  fuit  fratrum  portio.  20.  Ista  est  haereditas.  Antea  quidem  fines  Calvini  opera.  Vol*  XXV.