20:529  529  SUPPLEMENTUM.  530  4231.  CALVIN  A  UN  ANONYME.  La  personne  a  qui  la  lettre  est  adressee  a  essaye  Worganiser  une  eglise  dans  Tune  des  Ues  du  canal.  Sur  sa  demande  Geneve  lui  envoie  un  ministre.  (Copie.  Bibliotheque  de  Geneve  Vol.  107a,  fol.  337  v.  .  Bonnet  IL  251.)  *)  A  un  seigneur  de  l'isle  voisine  de  Normandie.  Trescher  seigneur  et  frere,  nous  louons  Dieu  de  la  bonne  affection  qu'il  vous  a  donnee  d'essayer  s'il  se  pourra  dresser  par  vostre  moyen  quelque  petite  Eglise  au  lieu  ou  vous  estes.  Et  de  faict,  selon  que  les  supposts  du  diable  se  efforcent  en  toute  violence  d'abolir  la  vraye  religion  et  esteindre  la  doctrine  de  salut  et  exterminer  la  memoire  de  JesusChrist,  c'est  bien  raison  que  nous  travaiilions  de  nostre  part  a  procurer  que  l'Evangile  s'avance  et  que  par  ce  moyen  Dieu  soit  purement  servi  et  que  les  povres  brebis  errantes  soient  rengees  sous  la  conduite  du  souverain  pasteur  auquel  tout  le  monde  doibt  estre  subiect.  Et  vous  scavez  que  c'est  un  sacrifice  agreable  a  Dieu  d'avancer  le  cours  de  l'Evangile  par  lequel  nous  sommes  eclairez  au  chemin  de  salut  pour  desdier  nostre  vie  a��  l'honneur  de  celuy  qui  nous  a  si  cherement  acquis  pour  dominer  au  milieu  de  nous.  Parquoy  nous  vous  prions  de  prendre  couraige  comme  aussi  nous  supplions  le  pere  de  toute  vertu  de  vous  confirmer  en  ce  sainct  propos.  Cependant  pource  que  nous  avons  entendu  que  vous  desirez  d'estre  secouru  de  nostre  coste  et  avoir  homme  qui  fust  propre  a  ediffier,  nous  n'avons  voulu  faillir  a  nostre  debvoir.  Nous  vous  addressons  donc  nostre  frere  le  present  porteur,  lequel  a  monstre  par  effect  de  quel  zele  il  estoit  mene,  et  a  tellement  converse  avec  nous  que  nous  ne  doubtons  pas  que  sa  vie  ne  soit  en  bon  exemple.  Il  est  de  pure  doctrine  et  d'autant  que  nous  en  pouvons  juger  ceux  qui  se  contenteront  d'estre  enseignez  en  simplicite  et  se  rendront  dociles  pourront  profiter  en  ses  predications.  Nous  ne  vous  prions  point  de  le  recevoir  humainement,  nous  confians  de  vostre  bon  vouloir.  Seulement  il  vous  plaira  luy  faire  sentir  par  experience  que  son  labeur  n'est  pas  inutile  envers  vous.  4231.1)  M.  Bonnet  met  en  tete:  A  nn  seigneur  de  Jersey.  Le  nom  de  Vile  n'est  pas  indique  dans  le  texte  et  quant  a  la  qualification  de  Seigneur,  ce  mot  n'avait  pas  alors,  dans  le  style  epistolaire,  la  valeur  qu'il  a  aujourd'hui  exclusivement.  Calvini  opera.  Vol.  XX.