7:528  dent.  Ie  n'ignore  pas  la  replique  qu'ilz  ont  pour  caviller  cela.  Ilz  alleguent  un  diction  de  Ptolomee.  Que  les  significations  des  astres  ne  sont  point  comme  arrestz  d'un  parlement1),  qui  ayent  leur  execution  preste,  pource  que  Dieu  est  par  dessus.  Mais  quand  [page  32]  tout  est  dit,  ce  n'est  qu'une  eschappatoire:  car  puis  que  tous  les  maux  dont  les  estoilles  nous  menacent  procedent  du  cours  de  nature,  il  ne  se  peut  faire  que  nous  ne  concevions  une  phantasie  que  noz  pechez  donc  n'en  sont  point  cause.  Ie  laisse  a  part  l'absurdite  et  contradiction  qui  est  en  leur  dire,  assavoir  que  l'ordre  que  Dieu  aura  mis  pour  estre  perpetuel  sera  change  par  causes  survenantes,  comme  si  Dieu  se  contredisoit  a  soymesmes.  Il  me  suffit  que  nous  ayons  l'intention  du  Prophete,  qui  est  d'opposer,  ainsi  que  choses  contraires,  le  regard  qu'ont  les  Payens  aux  astres,  pour  imaginer  que  leur  condition  et  tout  l'estat  de  leur  vie  depend  de  la,  et  la  cognoissance  en  laquelle  se  doyvent  reposer  les  fideles,  qu'ilz  sont  en  la  main  de  Dieu,  et  qu'ilz  seront  beneitz  de  luy,  le  servant  en  bonne  conscience,  et  que  tous  les  maux  qu'ilz  endurent  sont  autant  de  chastiemens  pour  leurs  pechez.  Il  semble  bien  a  noz  G-enethliaques2)  que  ilz  ont  une  solution  apparente,3)  en  disant  que  le  Prophete  nomme  les  estoilles,  signes  :  car  de  la  ilz  concluent  que  leur  office  est  de  signifier.  Et  pour  confirmation  ilz  alleguent  ce  qui  est  dit  au  premier  de  Genese,  que  Dieu  les  a  creees  a  ceste  fin.  Puis  qu'ilz  font  si  grand  sive4)  de  ce  [page  33]  mot  de  signes,  que  respondront-ilz  a  ce  qui  est  dit  en  Esaie,  que  Dieu  renverse  les  signes  des  devins?  Il  est  bien  certain  qu'il  parle  la  des  Astrologues.  Ainsi,  quand  ie  leur  confesseray  qu'ilz  peuvent  bien  avoir  des  signes,  mais  que  Dieu  les  renverse,  qu'aurontilz  gaigne?  Au  reste,  c'est  une  cavillation  trop  impudente  de  dire  que  Ieremie  confesse  obliquement  qu'il  y  ait  signification  aux  astres  quand  il  les  nomme  signes.  C'est  une  facon  de  parler  assez  commune,  en  reprenant  les  abuz,  d'user  des  motz  accoustumez  entre  ceux  qu'on  veut  redarguer.  L'Escriture  appelle  souvent  les  idoles,  dieux  des  Payens.  Si  quelcun,  souz  ombre  de  ce  nom,  vouloit  prouver  que  les  idoles  sont  dieux,  qui  est-ce  qui  ne  se  moqueroit  de  sa  sottise?  Le  Prophete  en  somme  admonneste  le  peuple  de  ne  se  point  troubler  ne  fascher  de  ceste  opinion  des  Payens,  que  les  es-  1)  praetorum.  2)  nostris  quidem  hominibus,  Chaldaeos  dico,  sive,  ut  vocantur,  Genethliacos.  3)  vehementer  probabilis.  4)  Verum  enimvero  ut  hoc  signorum  vocabulum  etiam  atque  etiam  ebulliant  ut  omnis  istius  altercationis  firmamentum  in  eo  collocent  .  .  .  .