6:528  de  causa,  et  sententiam  tulisse  narrant,  qua  et  hominem  et  doctrinam  damnaverint,  ut  suum  exemplum  ipse,  nisi  suis  partibus  deesse  velit,  imitetur.  Atque  haec  quidem  tum  fiebant,  quum  in  sana  doctrina  consentientes  adhuc  essent  inter  [pag.  131]  se  ecclesiae.  Nunc  ergo,  quum  omnia  inclinent  ad  ruinam,  nisi  celeriter  succurratur,  quid  ab  eorum  pendeamus  consensu,  qui  nullum  non  movent  lapidem,  ut  Dei  veritatem,  quam  profligarunt,  impediant,  quominus  iterum  emergat?  Erat  Ambrosio  sua  aetate  cum  Auxentio  certamen  de  primario  fidei  nostrae  capite,  hoc  est,  de  divinitate  Christi.  Favebat  Auxentii  partibus  Imperator.  Neque  tamen  ad  generale  concilium  provocat  hoc  obtentu,  quasi  alibi  tantam  causam  finiri  sit  nefas:  sed  tantum  postulat,  ut  quia  fidei  sit  quaestio,  in  ecclesia  coram  populo  disputetur.l)  Quorsum  etiam  synodi  provinciales,  quae  bis  olim  quotannis  ex  more  habebantur,  nisi  ut  de  iis,  quae  emerserant,  inter  se  consultarent  episcopi?  sicut  et  canon  synodi  Chalcedonensis  decimus  nonus  continet.  Iubet  antiquum  institutum,  bis  quotannis  convenire  uniuscuiusque  provinciae  episcopos.  Hoc  synodus  Chalcedonensis  interpretatur  fieri  debere,  ut  si  qua  emerserint  corrigantur.  Isti  quae  omnibus  nota  sunt,  et  doctrinae  et  morum  vitia,  ullo  modo  attingi  fas  esse  negant,  donec  ad  universale  concilium  ventum  fuerit.  Quin  etiam  hoc  ipso  subterfugio  Palladius  et  Secundianu&  4  2)  Ariani,  concilium  Aquileiense  repudiabant,  quod  plenum  ac  generale  non  esset.  Abesse  orientales  omnes  episcopos,  occidentalium  etiam  paucos  comparere.  Et  certe,  ex  italicis  quoque  vix  dimidia  pars  convenerat.  Romanus  episcopus  neque  venerat  ipse,  neque  aliquem  miserat  ex  suis  presbyteris,  qui  suo  nomine  interesset,  [pag.  132]  Ad  ista  omnia  respondet  Ambrosius  :  non  esse  novum  exemplum,  ut  synodum  agant  occidentales  episcopi,  quum  moris  semper  fuerit,  orientales  inter  se  convenire.  Prudenter  fecisse  pios  imperatores,  qui  concilium  indixerint  facta  omnibus  libera  veniendi  potestate,  nulla  vero  necessitate  imposita.  Venisse,  quibus  visum  fuerit:  quia  nemo  fuerit  prohibitus.  Quum  pergerent  in  suis  tergiversationibus  haeretici,  non  propterea  destiterunt  a  suo  proposito  sancti  patres.  Talibus  profecto  exemplis  non  prohibetur  Maiestas  tua,  Caesar,  quominus  ad  recolligendum  in  sanctam  concordiam  imperii  corpus  hac,  quae  se  ad  manum  offert,  ratione  utaris.  Quanquam  non  hoc  agunt  isti  nostri,  qui  procrastinandum  suadent,  sicut  iam  dictum  est,  ut  aliquantisper  differendo,  tandem  ecclesiae  consulatur:  sed  lucrum  modo  ex  mora  quaerunt.  Porro  satis  1)  Epist.  32.  2)  Secundinianus  1576  seqq.