5:528  que  S.  Augustin  enseigne  au  traicte  du  baptesme,  contre  les  Donatistes.l)  D'avantaige,  en  ceste  assemblee,  en  ce  qui  touche  l'externe  societe,  mesme  les  mauvais  destinez  a  la  peine  eternelle,  tandis  qu'ilz  sont  avec  les  membres  vifz  (ia  soit  que  non  spirituellement),  toutefoys  corporellement,  c'est  a  dire,  par  signacies  externes  de  la  foy,  et  visibles  sacrementz  de  la  Religion,  ilz  sont  conioinctz  comme  la  paille  avec  le  froment  (Matth.  3,  12;  13;  24  suiv.),  ayans  bien  la  forme  de  crainte  de  Dieu,  mais  abandonnans  la  vertu  d'icelle  (2  Tim.  3,  5).  Lesquelz  sont  dictz,  [fol.  18]  de  l'Apostre,  iusques  a  ce  qu'ilz  soient  trenchez  ou  separez  du  corps,  estre  dedans.  Ostez  (dit-il)  le  mal  d'entre  vous  etc.  (1  Cor.  5,  13).  Donc  ceste  assemblee  de  mesme  profession  et  de  signes,  ayant  cependant  que  nous  sommes  en  ceste  vie,  plusieurs  malings  et  hypocrites  entremeslez,  est  semblable  a  une  grosse  maison,  en  laquelle  non  seulement  sont  vaisseaux  d'or  et  d'argent,  mais  aussi  de  boys  et  de  terre,  et  aucuns  en  honneur,  les  aultres  en  deshonneur  (2  Tim.  2,  20).  Icelle  aussi  est  invisible,  selon  la  partie,  laquelle  estant  nourrie  par  l'Esprit  de  Dieu,  est  predestinee  a  la  vie  eternelle.  Mais  elle  est  visible  selon  la  profession  externe,  et  communion  espandue  par  tout  le  monde,  commenceant  a  Hierusalem,  et  de  la  par  les  Apostres  estendue  en  toutes  nations  (Luc  24,  47;  Act.  1,  8;  Rom.  10,  18).  Et  encor  que  les  malings  et  pecheurs  ne  soient  point  membres  vifz  de  l'Eglise,  ny  de  l'assemblee  des  esleuz  de  Dieu,  qui  est  appellee  saincte,  et  communion  des  sainctz  :  ce  neantmoins  toutesfoys  Christ  nous  enseigne  que  nous  ne  cherchions  aultrepart  ceste  Eglise,  qu'en  ceste  grande  congregation,  en  laquelle  est  faicte  profession  et  administration  de  vraye  foy,  Religion  et  sacrementz,  en  laquelle  tout  homme,  qui  demourera  iusques  a  la  fin,  a  fruition  et  iouyssance  de  tous  les  biens  de  tous  ceux  qui  ont  eu  la  crainte  de  Dieu,  mesme  des  le  commencement  du  monde,  n'ayans  aucun  encombrier  par  pechez  d'aultruv;  pource  que  communiquer  es  sacrementz,  avec  les  maulvais,  ne  souille  personne,  mais  le  consentement  aux  oeuvres  maulvaises.  Or  celuy  qui  se  separera  de  ceste  Eglise,  par  ce  seul  forfaict,  pour  ce  qu'il  s'est  retire  et  separe  de  l'union  de  Christ,  n'aura  point  la  vie  eternelle,  mais  Tire  de  Dieu  demoure  sur  luy.  Et  de  paour  qu'on  ne  fust  en  doubte,  Christ  a  adiouste  des  signes  trescertains,  par  lesquelz  ceste  grande  maison,  qui  est  l'Eglise  de  Dieu,  nous  est  facile  a  congnoistre,  comme  sont,  saine  doctrine,  le  droict  usage  des  sacrementz,  le  lieu  de  charite  1)  Au  livre  V.  chap.  27.