48:528  rus  et  corruptelis  deditus  eum  gratis  absolvere  noluit.  Hac  de  causa  Paulum  saepius  accersit,  ut  suis  blanditiis  spem  liberationis  redimendae  faciat.  Sic  enim  se  insinuant  nummarii  iudices,  dum  corruptelis  volunt  aditum  dare.  Unde  colligimus,  evanidum  fuisse  metum,  quem  Felix  ex  disputatione  Pauli  cepit:  quando  eum  spes  lucri  instigat  cogitque  ad  eum  vocandum,  quem  prae  metu  coactus  fuerat  a  se  ablegare.  Quomodo  pretium  speravit  Felix  ex  homine  inope  et  destituto?  non  enim  ille  gurges  modica  praeda  contentus  fuisset.  Mihi  dubium  non  est,  ut  sagaces  sunt  et  acuti  qui  ius  habent  venale,  quum  videret  adeo  strenue  instare  Iudaeos  ad  perdendum  Paulum,  aliquid  procul  de  ipso  subodoratum  esse:  nempe  hominem  esse  non  vulgarem,  sed  qui  gratia  polleret  apud  multos.  Quare  non  dubitavit  complures  ex  amicis  sumptum  libenter  facturos,  ut  eum  redimerent.  28.  Biennio  autem  expleto.  Quum  sciret  Paulus  mercenarium  iudicem  oblata  pecunia  sibi  fore  propitium,  et  satis  longum  tempus  habuerit  ad  eam  colligendam:  probabile  est  non  solum  pepercisse  fratribus,  sed  etiam  ab  illo  nundinationis  genere  abhorruisse,  quo  sanctitas  politici  ordinis  indigne  polluitur.  Iam  quum  soleant  praesides,  ubi  e  provincia  decedunt,  reos  ex  vinculis  dimittere,  quos  nullo  crimine  obstrictos  noverint  :  Felix  contrariam  ineundae  gratiae  rationem  habuit.  Conquesti  saepius  Iudaei  fuerant  de  turpi  eius  quaestu,  de  rapinis,  saevitia,  effraenique  gubernatione.  Tot  querimoniis  fatigatus  Claudius  Caesar  illum  ex  Iudaea  retrahebat.  Quo  sibi  minus  infestos  habeat,  Paulum  relinquit  vinctum.  Ita  innoxium  Dei  servum  velut  catharma  pro  suis  maleficiis  ad  placandos  sacerdotes  substituit.  CAPUT  XXV.  1.  Festus  ergo  suscepta  provincia  post  triduum  adscendit  Ierosolymam  ab  urbe  Caesarea.  2.  Significaruntque  illi  principes  sacerdotum  ac  primores  Iudaeorum  de  Paulo,  et  rogabant  eum,  3.  postulantes  favorem  adversus  eum,  ut  accerseret  eum  Ierosolymam:  insidias  tendentes  ut  interficerent  eum  in  via.  4.  Festus  autem  respondi^  ut  servaretur  quidem  Paulus  Caesareae,  se  vero  brevi  illo  profecturum.  5.  Qui  ergo  inter  vos,  inquit,  possunt,  una  descendant:  et  si  quod  est  in  hoc  viro  crimen,  accusent  eum*  6.  Demoratus  autem  inter  eos  diebus  amplius  quam  decem  descendit  Caesaream  :  ac  postero  die  sedit  pro  tribunali  iussitque  Paulum  adduci.  7.  Qui  quum  perductus  esset,  circumsteterunt  eum  qui  ab  Ierosolymis  descenderant  Iudaei,  inulta  et  gravia  crimina  proferentes  adversus  Paulum,  quae  non  poterant  probare:  8.  Ipso  excu-