37:528  autem  Isaias?  invehitur  in  populi  dementiam,  quod  toties  deceptus  tam  ab  Aegyptiis  quam  ab  Assyriis,  non  tamen  sentiret  se  talibus  experimentis  quasi  reduci  in  viam,  et  nimis  pertinax  esset  in  pravis  suis  consiliis.  Quantum  attinet  ad  locum  praesentem,  tenemus  quid  velit  propheta,  nempe  Deum  blande  hortatum  fuisse  Iudaeos,  ut  quiescerent  freti  suo  auxilio:  ipsos  autem  non  tantum  fuisse  dura  cervice  et  obstipa,  sed  etiam  proterve  respuisse  beneficium  iliud  sibi  oblatum.  Iam  sequitur,  Nam  dilexi  alienos,  et  post  Ulos  proficiscar.  Hic  populi  crimen  exaggerat,  quod  scilicet  addixerit  se  diis  extraneis.  Et  retinet  illam  similitudinem,  de  qua  prius  dictum  fuit.  Sicuti  enim  Deus  populum  illum  in  fidem  suam  susceperat,  ita  mutua  erat  obligatio  populi,  ut  erant  quasi  sacro  vinculo  utrinque  coniuncti:  quemadmodum  ubi  vir  fidem  dedit  uxori,  ipsa  vicissim  marito  suo  lege  coniugii  devicta  est.  Hic  ergo  prosequitur  Ieremias  illam  similitudinem,  ac  dicit  populum  illum  similem  fuisse  improbissimo  scorto,  quoniam  mariti  vocem  non  audierit,  quum  tamen  sponte  cuperet  se  reconciliare.  Oportet  autem  prorsus  esse  desperatam  mulierem,  quae  maritum  suum  respuit,  qui  tamen  paratus  est  cum  ipsa  redire  in  gratiam,  et  ignoscere  quidquid  peccavit.  Ostendit  ergo  propheta  in  hoc  populo  tantam  fuisse,  et  tam  deploratam  impietatem,  ut  clausas  aures  habuerit  Deo  amice  hortanti  ad  poenitentiam:  deinde  sine  pudore  iactaverit  se  velle  colere  idola  et  figmenta,  reiecto  vero  et  unico  Deo.  Sequitur,  26.  Sicut  pudor  (vel  probrum)  furis,  quum  deprehensus  est,  ita  pudefacti  sunt  domus  Israel,  reges  eorum,  principes  eorum  et  sacerdotes  eorum  et  prophetae  eorum.  Alii  vertunt  in  tempore  futuro,  Ita  pudefient  domus  Israel:  et  existimant  prophetam  hic  loqui  de  poena,  quae  adhuc  impendebat  populo:  sed  simpliciter  interpretor  verba  ut  sonant,  nempe  impietatem  illius  populi  ita  crassam  esse,  ut  non  opus  sit  subtiliter  eam  coargui,  quoniam  sit  fere  palpabilis.  Comparat  igitur  propheta  Iudaeos  furibus  manifestis:  quasi  diceret  hypocritas  in  populo  illo  nihil  consequi  suis  cavillis  et  tergiversationibus,  quoniam  in  medio  posita  sit  ipsorum  impietas:  quemadmodum  si  fur  deprehensus  fuerit,  non  poterit  negare,  neque  occultare  scelus  suum.  Dicit  igitur  ipsos  esse  deprehensos  in  aoxocp&pcp,  quemadmodum  dicunt,  hoc  est,  ita  esse  conspicua  ipsorum  flagitia,  ut  quidquid  obiectent,  non  tamen  possint  sese  purgare,  quin  turpitudo  ipsorum  nota  sit  omnibus.  Tenemus  ergo  nunc  consilium  prophetae.  Antea  vidimus  populum  abusum  fuisse  multis  excusationibus:  sed  hoc  loco  ostendit  Ieremias  ipsos  nihil  aliud  consequi  tergiversando,  nisi  quod  magis  ac  magis