35:528  laquelle  a  este  prononcee  sur  Adam,  et  sur  tout  son  lignage.  D'autant  donc  que  la  mort  est  venue  au  monde  par  le  peche,  et  que  c'est  un  tesmoignage  de  l'ire  de  Dieu,  que  par  icelle  nous  sommes  comme  reiettez  de  luy,  eslongnez  de  son  Royaume,  qui  est  le  royaume  de  vie,  il  faut  encores  que  nous  n'ayons  nulle  clarte  de  foy,  ne  iamais  ouy  un  seul  mot  de  doctrine,  que  cela  soit  imprime  en  nos  esprits,  que  la  mort  nous  est  contraire.  Ainsi  voyla  comment  nous  sommes  induits  a.  refuir  la  mort,  et  a  nous  en  reculer  tant  qu'il  nous  sera  possible:  c'est  en  premier  lieu  d'autant  que  nous  appettons  d'estre:  en  second  lieu  pource  que  nous  apprehendons  quelque  signe  de  l'ire  de  Dieu:  ie  di  encores  que  nous  n'ayons  pas  instruction  certaine,  toutes  fois  Dieu  nous  donne  quelque  impression  cachee  dedans  nos  coeurs.  Or  cependant  si  est-ce  que  les  fideles  surmontent  ces  deux  frayeurs-la,  et  s'apprestent  a  mourir  quand  il  plaira  a  Dieu:  voire  non  pas  comme  nous  avons  allegue  de  sainct  Paul,  que  simplement  et  sans  autre  consideration  ils  appettent  la  mort,  car  ce  seroit  a  faire  a  gens  desesperez,  mais  ils  s'y  apprestent  d'autant  qu'ils  scavent  qu'ils  seront  revestus  apres  estre  despouillez:  que  ce  corps-ci  est  une  loge  caduque  qui  n'est  rien  que  pourriture,  et  qu'ils  seront  restaurez  au  Royaume  de  Dieu,  D'autant  donc  que  nous  contemplons  ceste  esperance  qui  nous  est  donnee,  voyla  comme  nous  surmontons  les  frayeurs  de  la  mort.  Et  puis  aussi  d'autre  coste  nous  savons  que  nostre  Seigneur  Iesus  Christ  a  repare  ceste  desolation  et  ruine  qui  estoit  sur  nous  par  le  pecho  de  nostre  pere  Adam.  Ainsi  pource  que  nous  apprehendons  la  vie  au  milieu  de  la  mort,  cela  fait  que  nous  ne  sommes  plus  estonnez  pour  nous  retirer  quand  Dieu  nous  appelle  a  soy,  car  nous  scavons  que  la  mort  n'est  sinon  un  passage  a  la  vie.  D'autre  coste  nous  scavons  quel  est  nostre  vray  estre:  ce  n'est  pas  habiter  en  ce  monde,  car  ce  n'est  qu'un  passage,  et  nous  faut  tousiours  souvenir  de  ce  qui  est  dit,  que  Dieu  met  yci  les  hommes  pour  les  manier  et  leur  faire  quelques  virevoustes  (comme  on  dit)  et  sur  cela  retourner.  Quand  donc  nous  sommes  enseignez  que  nostre  vie  n'est  sinon  une  course  et  que  le  monde  n'est  qu'une  figure  qui  passe  et  s'esvanouit,  alors  nous  scavons  que  nostre  vray  estre  et  nostre  estat  permanent  est  au  ciel,  et  non  point  yci  bas.  Voyla  comme  nous  ne  fuirons  plus  la  mort:  qui  plus  est,  nous  aurons  occasion  de  la  souhaitter,  pource  que  d'un  coste  nous  sommes  caduques,  et  estans  detenus  sous  la  servitude  de  peche:  nous  voyons  tant  de  corruptions  en  nous  que  c'est  pitie:  et  mesmes  quand  nous  desirons  de  servir  a  Dieu,  nous  trainons  les  iambes:  et  puis  quand  nous  levons  un  pied,  et  que  nous  pensons  avancer  un  pas,  nous