20:528  vobis  cordi  est  disciplina,  date  operam  ut  perpetuo  tenore  invalescat.  Si  in  pretio  haberi  vultis  ab  aliis,  sit  una  eius  apud  vos  regula.  Quid  autem  restat,  si  prorsus  succubueritis,  quam  ut  profano  more  posthac  ingerantur  ministri?  nulla  maneat  canonica  ordinatio?  In  dies  enim  serpet  licentia,  donec  effraeni  libidine  plebs  grassetur  ad  cooptandus  identidem  ac  respuendos  ministros.  Nec  malum  haerebit  in  uno  loco.  Quo  minus  sollicitus  sum  causa  vestra,  eo  magis  cogit  me  zelus  domus  Dei  tale  portentum  abominari  et  horrere.  Rogabis,  quidnam  igitur  opis  aut  consilii  adferam.  Primum  non  censeo  pertinaciter  urgendum,  ut  ex  iis  quos  elegistis  unus  accipiatur.  Fac  esse  inprimis  idoneos  (quod  negant  alii):  fac  indigne  et  absque  causa  repudiari:  ferendum  id  tamen,  et  sancti  patres  tulerunt.  Scis  enim  sancitum  esse  canonibus  ne  aliter  valeat  clericorum  electio  quam  si  subscriptione  se-'  natus  et  plebis  suffragiis  approbetur.  Nam  ut  importunis  populi  vel  studiis  vel  factionibus  non  est  nimis  indulgendum,  ita  ministrorum  ordinem  in  electionibus  dominari  indignum  est.  Recusantibus  ergo  nemo  obtrudi  debet.  Quin  etiam  ne  utile  quidem  est  etiam  si  liceat.  Sed  quum  sit  legibus  vetitum  supersedere  magis  convenit.  Sed  rursus  summopere  deprecari  necesse  est  primum,  ne  pro  collega  vobis  adversarius  obtrudatur,  deinde  ne  vobis  exclusis  magistratus  ius  sibi  usurpet  eligendi  qui  placuerit  ministri.  Id  alienum  esse  a  christiano  ritu,  a  vetusto  sanctorum  more  usque  ab  ipsis  apostolis,  esse  perniciosum,  esse  indecorum,  esse  denique  inhumanum.  Si  vos  habeat  pro  suis  pastoribus,  ne  indignos  reputet  quibuscum  de  instituendo  collega  deliberet.  Paratos  esse  vos  ad  omnem  moderationem:  modo  se  ipsi  vicissim  commodos  et  tractabiles  praebeant.  Id  impetratu  non  adeo  difficile  fore  confido,  si  hominem  offeratis  tum  qui  sua  dignitate  hunc  quem  recusatis  obruat,  tum  etiam  qui  non  ingratus  sit  magistratui  futurus.  Tantum  ostendo  quid  placeat.  Imo  ad  unicum  quod  mihi  apparet  remedium  confugio.  Vale,  ornatissime  vir  et  frater  colendissime,  et  cogita  meliora  esse  amici  vulnera  quam  oscula  inimici.  Symmystae  mei  vobis  plurimam  salutem  dicunt