7:527  527  CONTRE  L'ASTROLOGIE  528  savant  qu'eux  en  l'art,  ne  plus  subtil.  Mais  il  met  comme  deux  choses  opposites  leur  science  et  la  revelation  de  Dieu.  Les  Astrologues,  dit-il,  et  devins  ne  font  peu  declairer  le  secret,  car  c'est  Dieu  qui  est  au  ciel,  auquel  il  appartient  de  reveler  [page  30]  les  choses  secrettes  (Dan.  2,  27  suiv.).  Brief,  nous  voyons  que  toute  ceste  partie  d'astrologie  qui  sert  a  divination,  qu'on  appelle  Iudicature1),  non  seulement  est  tenue  de  Dieu  pour  vaine  et  inutile,  mais  est  condamnee  comme  derogant  a  son  honneur  et  entreprenant  sur  sa  Maieste.  Pourtant,  si  nous  voulons  estre  de  son  peuple,  escoutons  ce  qu'il  nous  dit  en  son  Prophete  Hieremie  :  Que  nous  ne  soyons  pas  semblables  aux  Payens,  craignantz  les  signes  du  ciel  (Hier.  10,  2).  Ie  say  bien  le  subterfuge  qu'amenent  aucuns  :  qu'il  ne  faut  pas  craindre  les  astres  comme  &'ilz  avoyent  domination  sur  nous,  et  toutesfois  qu'ilz  ne  laissent  point  d'y  avoir  quelque  superiorite  subalterne,  souz  la  main  et  conduite  de  Dieu.  Mais  il  n'y  a  nulle  doute  que  le  Prophete  ne  nous  vueille  r'amener  a  la  providence  de  Dieu,  et,  pour  ce  faire,  nous  destourner  de  la  vaine  solicitude  en  laquelle  se  tourmentent  les  Payens:  attendu  qu'il  parloit  au  peuple  d'Israel,  lequel  estoit  tente  de  s'addonner  a  telles  folies,  a,  l'exemple  des  Caldeens  et  Egyptiens.  Qu'on  demande  a  noz  Genethliaques  d'auiourdhuy,  de  quelle  source  est  venu  leur  art.  Ilz  ne  peuvent  nier  que  Babylon  n'en  ait  este  la  fontaine,  et  que  ce  qu'ilz  en  tiennent  sont  comme  petitz  ruisseaux  decoulez  de  la.  Puis  donc  que  Dieu  a  [page  31]  une  fois  defendu  a  son  peuple  d'estre  semblable  aux  predecesseurs  et  maistres  de  ceux  cy,  seronsnous  bien  de  leur  adiouster  Foy?  Quand  il  n'y  auroit  autre  mal  que  cestuy  la,  qu'en  attribuant  aux  estoilles  et  a  leur  insolence  la  cause  de  noz  afflictions  et  prosperitez,  nous  mettons  comme  des  nuees  devant  noz  yeux  pour  nous  eslogner  de  la  providence  de  Dieu:  des-ia  nous  voyons  que  c'est  une  chose  trop  pernicieuse.  2)  II  y  a  puis  apres  que  les  hommes  vagans  entre  les  estoilles,3)  n'entrent  plus  en  leur  conscience  pour  examiner  leur  vie,  cognoissant  qu'ilz  portent  en  eux  la  matiere  de  tous  maux,  et  que  leurs  pechez  sont  le  boys  pour  allumer  l'ire  de  Dieu  dont  proviennent  les  guerres,  les  famines,  les  mortalitez,  les  gresles,  les  gelees  et  toutes  choses  semblables.  Pareillement  ceux  qui  attendent  bon-heur  par  la  prediction  des  astres,  se  reposant  la  dessus,  retirent  leur  confiance  de  Dieu,  et  deviennent  nonchalantz  a  la  requerir,  comme  s'ilz  avoyent  des-ia  gagne  ce  qu'ilz  preten-  1)  iudieiaire  1566  suiv.  (iudiciariam).  2)  et  velis,  ut  dicitur,  remisque  fugiendam.  3)  in  stellis  occupati  et,  ut  quidam  apposite  dixit,  ἀεροβατοῦντες.