6:527  BE  NECESSITATE  provincialem  synodum  solebant  convocare,  ut  illic  componeretur  quod  turbatum  erat?  Ad  generale  vero  concilium,  nisi  tentato  prius  illo  remedio,  decurrere  nunquam  moris  fuit.  Priusquam  ad  confutandum  [pag.  129]  Arium  Niceam  convenirent  ex  toto  orbe  christiano  episcopi,  iam  plures  in  Oriente  synodi  collectae  fuerant.  Reliqua  exempla,  brevitatis  causa,  praetereo.  Sed  quod  hostes  nostri  tanquam  inusitatum  fugiunt,  ordinarium  fuisse,  veterum  scripta  testantur.  Facessat  ergo  mendax  iste  praetextus.  Si  africanos  episcopos  tenuisset  haec  superstitio,  nimis  sero  Donatistis  ac  Pelagianis  occursum  esset.  Iam  magnam  Africae  partem  in  suam  factionem  traxerant  Donatistae;  nec  locus  quisquam  erat  ab  eorum  contagione  omnino  purus.  Erat  maximi  ponderis  controversia  de  ecclesiae  unitate  et  legitima  administratione  baptismi.  Secundum  novam  istorum  sapientiam  debebant  ad  universale  concilium  reiicere  orthodoxi  episcopi  illam  quaestionem,  ne  a  reliquis  ecclesiae  membris  se  abscinderent.  An  faciunt?  Quin  potius,  quia  restinguendo  praesenti  incendio  festinatione  opus  esse  iudicant,  urgent  et  insequuntur  Donatistas  :  nunc  ad  synodum,  nunc  ad  disputationem  eos,  quasi  manu  consertum  vocantes.  Damnent  hostes  nostri  impiae  ab  ecclesia  separationis  et  Augustinum,  et  alios  eius  aetatis  sanctos  viros,  qui  cum  eo  consentiebant:  quod  et  Donatistas,  imperiali  autoritate,  non  convocata  universali  synodo,  secum  disputare  coegerint,  et  provinciali  concilio  transigere  de  controversia  maxime  ardua  et  periculosa  non  dubitaverint.  Pelagius  illic  quoque  cristas  [pag.  130]  extulerat:  statim,  ad  reprimendam  eius  audaciam,  habita  synodus.  Quum,  simulata  ad  breve  tempus  poenitentia,  vomitum  resorbuisset,  defixo  in  Africa  impietatis  suae  aculeo,  Romam  se  recepit,  ubi  satis  benigne  fuit  exceptus.  Quid  faciunt  pii  episcopi?  An  se  membrum  duntaxat  ecclesiae  esse  causantur,  ut  ab  universali  concilio  remedium  exspectent?  Quin  potius  conveniunt  ipsi,  prima  quaque  occasione,  iterum  atque  iterum:  impium  illud  dogma,  quo  iam  infecti  fuerant  multi,  anathemate  damnant,  pronunciant  libere  ac  definiunt,  quid  de  originali  peccato,  deque  regenerationis  gratia  sentiendum  sit.  Postea  Romam  quidem  actorum  exemplar  mittunt,  partim  ut  communi  et  autoritate  et  consensu  melius  et  validius  haereticorum  frangant  contumaciam,  "partim,  ut  alios  admoneant  periculi,  quod  erat  omnibus  cavendum.  Torquent  hoc  aliorsum  romani  pontificis  adulatores:  quasi  suspenderint  sententiam,  donec,  quod  egerant,  ratum  haberet  Innocentius,  qui  tum  romanae  ecclesiae  praesidebat.  Verum,  satis  superque  refellitur  haec  impudentia  ex  sanctorum  patrum  verbis.  Neque  enim  aut  consilium  petunt  ab  Innocentio,  quid  facere  debeant,  nec  ad  eum  referunt,  ut  pronunciet,  nec  eius  nutum  autoritatemque  exspectant:  sed  iam  se  cognovisse