5:527  ACTES  DE  RATISBOKNE.  bonnes  oeuvres  loyer,  non  selon  la  substance  des  oeuvres,  ny  en  tant  quelles  viennent  de  nous,  mais  d'autant  qu'elles  sont  faictes  en  foy,  et  qu'elles  procedent  du  S.  Esprit  habitant  en  nous,  avec  la  concurrence  du  franc  arbitre  besoignant  soubz  la  grace  de  l'esprit.  Et  la  felicite  de  ceux  qui  auront  fait  plus  d'oeuvres  et  plus  grandes,  sera  plus  grande  et  plus  ample,  a  cause  de  l'augmentation  de  foy  et  de  charite,  en  laquelle  par  telz  exercices  ilz  ont  prins  accroissement.  Or  ceux  qui  disent,  nous  sommes  iustifiez  par  la  seulle  foy,  doivent  ensemble  enseigner  la  doctrine  de  repentance,  de  crainte  de  Dieu,  du  iugement  de  Dieu,  de  bonnes  oeuvres,  a  celle  fin  que  tout  l'accomplissement  de  predication  demeure  ferme  et  en  son  entier,  comme  Christ  dict  :  Preschez  repentance  et  remission  de  pechez  en  mon  Nom.  Et  ce  neantmoins  en  icelle  sorte,  que  cela  ne  soit  aultrement  entendu,  que  selon  ce  qui  a  este  ia  dict  par  cy  dessus.  De  l'Eglise,  signes  et  authorite  d'icelle,  [fol.  17]  Eglise  est  assemblee,  ou  congregation  des  hommes  de  tous  lieux,  et  de  tous  temps,  qui  sont  appellez  en  la  communion  de  la  profession  d'une  mesme  foy,  doctrine,  et  sacrementz,  selon  la  doctrine  Catholique,  vraye  et  Apostolique.  En  ceste  assemblee,  tous  ceux  qui  sont  conioinctz  en  l'union  de  la  vraye  et  vive  foy,  efficace  par  charite,  soubz  un  chef,  qui  est  Christ,  et  soubz  l'administration  du  S.  Esprit,  spirituellement  communiquans  en  mesmes  sacrementz:  ceux  la  seulement  establissent  icelle  Eglise:  laquelle  est  appellee  de  l'Apostre  S.  Paul  Temple  sainct,  et  maison  de  Dieu,  corps  de  Christ,  et  de  S.  Iehan,  cite  saincte,  Hierusalem  descendant  des  cieux,  edifiee  de  pierres  vives  (1  Cor.  3,  16;  6,  19;  Ephes.  2,  21;  1  Tim.  3,  15;  1  Pierre  2,  5;  Apoc.  21).  Cestuy  est  le  peuple  sainct  nettoye  de  toute  iniquite,  et  plaisant  a  Dieu,  sectateur  de  bonnes  oeuvres  (Tit.  2,  14):  Qui  est  par  allegorie  descript  es  escriptures,  iardin  ferme  tout  a  l'environ,  fontaine  close,  puitz  d'eaue  vive,  iardin  de  plaisance,  avec  son  fruict  de  pommes.  Ceste  est  l'Eglise  des  esleuz  de  Dieu,  a  nous  secrette  et  cachee,  et  a  Dieu  congneue,  selon  qu'il  est  escript:  Dieu  congnoist  ceux  qui  sont  siens.  En  laquelle  presentement  sont  tous  ceux  qui  ne  reiectent  l'Esprit  de  foy  et  de  charite.  Combien  que  tous  egalement  ne  participent  en  mesme  perfection  d'esprit.  En  laquelle  aussi  sont  nombrez,  combien  que  non  pas  pour  le  present,  toutefoys  par  predestination  de  Dieu,  ceux  qu'il  congnoist  devoir  estre  convertiz,  combien  qu'ilz  nous  semblent  en  estre  hors,  selon