37:527  527  PRAELECTIONES  528  ardore  impiae  cupiditatis  sic  abreptus  fuerit,  ut  sitim  sibi  ultro  accerseret,  nempe  longis  itineribus.  Quoniam  ergo  nihil  aliud  poscebat  Deus  a  populo,  nisi  ut  sibi  consuleret,  duplicatur  crimen,  quod  noluerit  tam  salubri  consilio  obtemperare.  Quemadmodum  dixi,  potuit  in  medium  efferri  probabilis  excusatio,  si  Deus  aliquid  durius  vel  asperius  exegisset  a  populo  illo.  Sed  quum  blande  et  suaviter  fovere  paratus  fuerit  in  optima  quiete,  nihil  potuit  esse  residuum  excusationis.  Et  ideo  sequitur,  Dixisti:  Desperatum  est:  Non.  Hic  ex  altera  parte  ostendit  propheta  quam  fuerit  contumax  ille  populus,  qui  proterve  reiecit  tam  amicas  et  blandas  admonitiones.  Primo  dicunt,  Actum  vel  desperatum  est  (nam  IMO  significat  desperare,  inde  passivum)  Desperatum  est:  nisi  placeat  vertere,  Fatigatio  est:  quod  etiam  non  male  conveniet,  hoc  sensu:  Satis  superque  me  temere  vexavi,  ut  lassitudo  ipsa  quiescere  suadeat.  Non,  concise  loquitur  propheta,  quo  melius  exprimat  praefractos  mores  illius  populi.  Quum  dicit  esse  desperatum,  perinde  est  ac  si  procul  repelleret  omnes  exhortationes.  Postea  adiungit,  Non  fiet  Nullum  verbum  hic  ponitur,  sed  ecliptica  oratio  plus  habet  efficaciae,  quemadmodum  dixi,  ad  exprimendam  ferociam  illius  populi.  Alio  sensu  expostulat  Isaias  cap.  57  (v.  10)  quod  non  dixerint,  Desperatum  est,  et  videntur  inter  se  pugnare  Isaias  et  Ieremias.  Nam  hic  noster  propheta  obiurgat  populum,  quia  dixerat,  Desperatum  est:  Isaias  aut,  quia  non  dixerit.  Sed  ubi  praecise  hoc  loco  respondent  Iudaei,  Desperatum  esse,  intelligunt  prophetas  ludere  operam,  quoniam  ipsis  decretum  sit  persequi  ad  extremum  quod  coeperunt.  Ergo  in  hoc  verbo  Desperatum  est,  notatur  ultima  pertinacia  populi,  quoniam  nullam  spem  resipiscentiae  superesse  ostendit,  quum  palam,  et  sine  ulla  ambage  dicit  rem  esse  peractam.  Isaias  autem  populum  obiurgat,  quoniam  non  dixerit  esse  desperatum,  hoc  est,  quoniam  non  agnoverit  longo  usu  se  convictum  esse  sultitiae.  Nam  quum  in  Aegyptum  saepe  cursitassent,  postea  in  Assyriam,  Dominus  re  ipsa  docuerat,  quam  essent  male  consulti:  debebant  igitur  ex  re  ipsa  colligere.  Dominum  frustrari  ipsos,  ut  resipiscerent.  Merito  itaque  Isaias  dicit  populum  nimis  stupidum  esse,  quod  pergat  semper  caeca  obstinatione,  et  non  sentiat  Deum  quodammodo  opponere  multa  obstacula,  ut  cogeret  ipsos  retrocedere,  et  abiicere  vanas  illas  spes,  quibus  se  ipsos  deceperant.  Nunc  videmus  optimum  esse  consensum  inter  duos  prophetas,  quamvis  loquendi  ratio  sit  diversa.  Ieremias  ergo  hic  populum  inducit  praecisis  verbis  loquentem,  ut  declaret  suam  pervicaciam.  Desperatum  est,  hoc  est,  Vos  prophetae  non  cessatis  nobis  aures  obtundere,  sed  vanus  est  atque  irritus  labor  vester:  hoc  enim  nobis  est  semel  decretum,  neque  poterimus  unquam  revocari.  Quid