35:527  527  PBEMIER  SERMON  528  dit  pas  qu'il  ait  eu  une  foy  si  ferme  qu'il  ne  luy  ait  rien  couste  d'estre  chastie  de  la  main  de  Dieu.  Rien  de  tout  cela.  Quoy  donc?  Nous  voyons  un  povre  homme  tormente  iusques  au  bout,  et  tellement  abbatu  qu'il  ne  scait  que  devenir.  Nous  voyons  un  homme  espouvante  de  Pire  de  Dieu,  et  qui  ne  regarde  sinon  son  affliction.  Quand  donc  Ezechias  se  descouvre,  et  qu'il  ne  fait  nulle  difficulte  de  confesser  ses  vices,  en  cela  nous  appercevons  qu'il  n'a  point  este  mene  d'ambition,  ne  d'une  gloire  mondaine  pour  estre  prise  des  hommes  ou  pour  acquerir  reputation:  mais  qu'il  a  voulu  quasi  estre  accable  de  honte,  afin  que  Dieu  fust  glorifie.  Quelle  est  donc  son  intention?  C'est  d'un  coste  que  nous  cognoissions  comme  il  a  este  afflige  cependant  qu'il  estimoit  que  Dieu  luy  fust  contraire:  et  puis,  qu'en  cela  on  cognoisse  tant  mieux  quelle  a  este  la  bonte  de  Dieu,  quand  il  l'a  receu  a  merci  et  qu'il  na  pas  voulu  l'abandonner  au  besoin.  Nous  avons  donc  a  contempler  yci,  comme  en  un  miroir,  nos  infirmitez,  afin  qu'un  chacun  s'appreste  quand  sa  foy  sera  esprouvee  comme  celle  d'Ezechias,  et  que  Dieu  nous  donnera  quelque  signe  de  son  ire:  que  si  alors  nous  sommes  comme  esperdus,  nous  ne  laissons  pas  pourtant  d'esperer  que  Dieu  nous  donnera  issue  en  nos  angoisses  comme  il  a  fait  a  ce  bon  Roy.  Et  puis  que  nous  apprenions  d'attribuer  toute  la  louange  de  nostre  salut  a  la  misericorde  de  Dieu,  cognoissans  que  si  tost  que  nous  en  serons  destituez,  c'est  fait  de  nous,  et  sommes  plus  que  miserables.  Or  cependant  nous  voyons  comment  et  pourquoy  le  Roy  Ezechias  a  este  ainsi  tormente:  c'est  d'autant  qu'il  voyoit  la  mort  luy  estre  prochaine.  Il  semble  bien  de  prime  face  que  cela  ne  convienne  point  a  un  homme  fidele.  Il  est  vray  que  de  nature  la  mort  nous  sera  espouvantable  a  tous:  car  il  n'y  a  celuy  qui  n'appette  d'estre  (comme  on  dit)  et  il  semble  qu'en  la  mort  nous  perissions,  et  soyons  comme  aneantis.  Voyla  donc  comme  de  nature  nous  la  fuirons  et  l'aurons  en  horreur.  Et  voyla  pourquoy  aussi  sainct  Paul  dit  au  5.  chapitre  de  sa  seconde  aux  Corinthiens,  v.  4,  que  nous  n'appettons  point  d'estre  despouillez  de  ce  corps:  car  il  est  impossible  que  l'homme  desire  de  changer  son  estat:  ie  di  quant  a  ceste  vie.  Et  aussi  ceux  qui  se  desfont  n'ont  point  d'affection  naturelle,  mais  le  diable  les  transporte  tellement  qu'ils  sont  du  tout  aveuglez:  et  faut  reputer  ceux-la  comme  des  monstres,  la  ou  tout  l'ordre  de  nature  est  change.  Brief,  il  est  certain  que  la  mort  nous  sera  tousiours  terrible:  et  non  seulement  pource  que  nous  sommes  enclins  a  desirer  de  vivre,  mais  aussi  d'autant  que  Dieu  a  laisse  quelque  marque,  en  sorte  que  les  Payens  mesmes  et  incredules  sont  contrains  de  sentir  que  la  mort  est  une  malediction  de  Dieu,