25:527  527  COMMENTARIUS  IN  IOSUE  CAP.  XV.  528  post  tempus  sibi  prorogatum,  altissimas  radices  egisse  visi  fuerant,  ex  secura  tamen  statione  tandem  evulsi  sunt.  13.  Caleb  autem  filio  Iephune.  Ridiculum  fuit  si  ex  praesenti  statu  iudicium  fieret,  saepius  imaginariam  donationem  celebrare,  cuius  nullum  fructum  percepit  Caleb  vivo  Iosue.  Sed  hic  tam  veritas  Dei  quam  sancti  viri  fiducia,  quae  in  eius  promissionem  recubuit,  commendatur.  Quanquam  ergo  vanam  sollicitudinem  Caleb,  et  inanem  Iosue  liberalitatem  tunc  lusissent  nasuti  homines,  ac  loci  ipsius  incolae,  si  ad  eos  perlatus  fuisset  rumor,  superbe  nec  absque  subsannatione  sprevissent,  Deus  tamen  constantiam  sui  decreti  tandem  re  ipsa  patefecit.  Caleb  vero  quamvis  cerneret  ab  accessu  montis  se  arceri,  testatus  est  se  nudo  Dei  sermone  esse  contentum:  sicuti  hoc  rectum  est  fidei  specimen,  rerum  quae  promissae  sunt  fruitione  libenter  carere,  donec  tempus  advenerit.  Porro  hic  locus  et  similes  docent,  gigantes  qui  passim  vocantur  Enakim,  sic  fuisse  cognominatos  ab  autore  sui  generis  Enac,  atque  ita  vocem  esse  gentilitiam.  Quando  autem  filios  Enac  profligaverit,  paulo  post  videbimus.  Interea  docet  hic  locus,  Caleb  quum  obtenderet  nomen  Mosis,  minime  fucum  fecisse  vel  quidquam  falso  protulisse  :  quia  palam  nunc  asseritur,  Mosen  ex  Dei  praecepto  ita  statuisse.  14.  Expulit  inde  Caleb  tres  filios  Enac,  Sezadi,  et  Ahiman,  et  Thalmai  qui  fuerant  filii  Enac.  15.  Ascenditque  inde  ad  habitatores  Debir,  cuius  nomen  antea  fuit  Ciriath-sepher.  16.  Dixitque  Caleb:  Qui  percusserit  Ciriath-sepher,  et  ceperit  eam,  dabo  ei  Achsa  filiam  meam  in  uxorem.  17.  Cepit  autem  eam  Othoniel  filius  Cenas  fratris  Caleb:  deditque  ei  Achsa  filiam  suam  in  uxorem.  18.  Fuitque  quum  veniret  ipsa  suasit  illi,  ut  peteret  a  patre  suo  agrum,  et  descendit  de  asino,  dixitque  ei  Caleb:  Quid  tibi  est?  19.  Illa  respondit:  Da  mihi  benedictionem:  quandoquidem  terram  aridam  dedisti  mihi,  da  mihi  fontes  aquarum.  Et  dedit  ei  fontes  superiores,  et  fontes  inferiores.  20.  Ista  est  haereditas  tribus  filiorum  Iehuda  per  familias  suas.  21.  Fuerunt  autem  urbes  in  extremitate  tribus  filiorum  Iehuda  iuxta  terminum  Edom  ad  Meridiem,  Cabsel,  et  Eder,  et  Iagur.  22.  Et  Cina,  et  Dimona,  et  Adada.  23.  Et  Cedes,  et  Hasor,  et  Ithnan,  24.  Ziph,  et  Telem,  et  Bealoth,  25.  Et  Hasor  in  Hadatha,  et  Cerioth,  Hesron,  ipsa  est  Hasor.  26.  Aman,  et  Sema,  et  Molada.  27.  Et  Hasar-  Gadda,  et  Hesmon,  Beth-phelet.  28.  Et  Hasarsual,  et  Beerseba,  et  Biziotheia.  29.  Baala,  et  Iim,  et  Asem  :  30.  Ei  Eltholad  et  Chesil,  et  Horma.  31.  Et  Siclag,  et  Madmannah,  et  Sensannah.  32.  Et  Lebaoth,  et  Silhim,  et  Ain,  et  Rimon:  omnes  urbes  viginti  et  novem,  et  villae  earum.  33.  In  planitie  Esthaol,  et  Sora,  et  Asnah:  34.  Et  Zanoah,  et  En-