20:527  527  EPISTOLAE  4229.4232  528  uno  verbo,  etiamsi  re  ipsa  Christo  tuum  obsequium  offerre  coneris,  titulus  ipse  Antichristi  vexilliferum  esse  docet.  Ad  tam  exitiale  foedumque  exemplum  res  ipsa  accedit:  quia  si  furtim  nescio  quid  boni  admisces,  nunquam  tamen  e  tribunali  surgis,  quin  multa  officia  praestiteris  impiae  dominationi,  cui  mancipatus  es.  Reliqua  iurisdictio  in  causis  civilibus  consumitur:  ubi  utcunque  summam  aequitatem  colere  studeas,  fines  tamen  a  Domino  praefixos  evertis,  dum  sub  fallaci  regiminis  ecclesiastici  praetextu  alienam  provinciam  usurpas.  Sed  ne  ego  tibi  molestus  sim,  tecum  potius  loquere,  et  sine  blanditiis  reputa,  sitne  sancta  Dei  vocatio,  haec  adulterina  praeclarae  functionis  larva,  quae  et  Dei  nomen  profanat  et  multis  labyrinthis  est  implicita.  Quod  si  vivendi  ratio  Deo  non  probatur,  quibuscunque  virtutibus  excellas,  nihil  tamen  miserius  quam  extra  metas  semper  vagari.  Aliam  petendae  veniae  excusationem  non  affero,  nisi  quod  libere  scribendum  fuit  vel  tacendum.  Vale,  ornatissime  vir  et  mihi  honorande.  Dominus  te  spiritu  prudentiae,  aequitatis  et  fortitudinis  gubernet.  4230,  CALVINUS  INCERTO.  Consilium  de  eligendis  ministris.  (Edidit  Beza  ed.  Genev.  1576  p.  427;  Chouet  p.  595;  Anast,  p.  267.  In  caeteris  non  exstat,)  Novum  et  odiosum  istud  certamen  quod  prioribus  molestiis  accessit  valde  me,  ut  par  est,  habet  anxium.  Eoque  magis  quod,  dum  fidem  nostram  imploras,  quale  tibi  dem  consilium  non  reperio.  Causam  bonam  esse  fateor,  sed  ad  eam  sustinendam  autoritas,  quae  inprimis  necessaria  erat,  vobis  deest.  Atque  id  partim  temporum  vitio,  partim  vestra  culpa.  Invitus  certe  facio  ut  ea  nunc  commemorem  quae  speciem  exprobrationis  habere  queant.  Verum  tibi  coram  Deo  testatum  esse  velim,  nihil  me  insultandi  causa  dicere:  tantum  fideliter  et  simplici  animo  indicare  quae  maxime  vobis  obsunt  impedimenta,  ut  illis  monitus  quoad  fieri  poterit  occurras.  Neque  haec  dico  expostulandi  causa,  quia  alienum  est  tempus.  Sed  putasne  adeo  stupidos  ullos  esse  ut  non  agnoscant  ecclesiae  ordinem  et  displicinam  a  vobis,  pro  vestro  arbitratu  aut  commodo,  nunc  attolli  in  coelum,  nunc  pro  nihilo  duci?  Quare  si