7:526  du  mal  que  nous  avons.  Car  chascun  void  que  l'un  s'ensuit  de  l'autre.  Si  ie  vouloye  amasser  tous  les  exemples  qui  conviennent  a  cest  argument,  ce  seroit  chose  infinie.  Toutesfois  il  n'y  a  celuy  qui  ne  les  puisse  noter  de  soymesme.  Parquoy,  apprenons  de  nous  arrester1)  aux  promesses  et  menaces  de  Dieu,  lesquelles  ne  tenans  rien  de  la  situation  [page  28]  des  Estoilles,  nous  enseignent  qu'il  ne  nous  y  faut  point  amuser.  Voyla  pourquoy  Dieu,  par  son  Prophete  Esaye,  se  moque  des  Egyptiens  et  des  Caldeens,  qui  ont  este  deux  peuples  les  plus  expertz  en  cest  art  qui  furent  iamais  au  monde,  leur  reprochant  que  par  toute  leur  science  ilz  n'ont  peu  prevoir  la  desolation  qui  leur  estoit  prochaine,  pource  qu'elle  ne  provenoit  point  du  cours  naturel  des  Estoilles,  ains  de  son  iugement  occulte.  On  ne  peut  pas  repliquer  qu'il  taxe  les  personnes  qui  se  vantoyent  a  fausses  enseignes  de  savoir  l'Astrologie.  Il  s'adresse  notamment  a  l'art,  declairant  que  ce  n'est  que  vanite.  Parlant  au  royaume  d'Egypte,  il  dit:  Ou  sont  maintenant  tes  sages?  qu'ilz  t'annoncent  et  qu'ilz  sachent  ce  que  Dieu  a  decrete  sur  toy  (Es.  19,  12).  S'il  y  avoit  nulle  part  science  d'Astrologie,  elle  estoit  la.  Le  Prophete  despite  tous  ceux  qui  s'en  meslent,  disant  que  ce  n'est  point  a  eux  de  savoir  les  evenemens,  comme  ilz  en  font  profession.  Ii  y  a  encore  des  motz  plus  expres  quand  il  parle  a  Babylon:  Tu  t'es,  dit-il,  tourmentee  en  la  multitude  de  tes  conseilz.  Maintenant,  que  tes  Astrologues  viennent  en  avant:  qu'ilz  contemplent  les  cieux  et  espluchent  les  Estoilles,  pour  voir  s'ilz  iugeront  de  [page  29]  ce  qui  te  doit  advenir?  Voicy,  ilz  seront  comme  paille,  et  le  feu  les  consuinera  (Es.  47,  13).  Les  Caldeens  ont  este  les  plus  renommez  en  Astrologie  qui  furent  iamais,  tellement  que  tous  ceux  qui  se  sont  fourrez  en  ceste  curiosite  ont  emprunte  leur  nom  d'iceux.  Or,  nous  voyons  comment  Dieu  les  condamne  et  reprouve,  et  notamment  prononce  qu'on  ne  peut  pas  lire  aux  estoilles  les  mutations  et  ruines  des  principautez,  et  qu'il  punira  l'outrecuidance  de  ceux  qui  se  sont  ingerez  de  ce  faire.  Voila  aussi  pourquoy  il  dit  par  le  mesme  Prophete  qu'il  dissipe  les  signes  des  devins  et  tourne  les  Magiciens  en  fureur,  qu'il  detourne  les  sages  au  rebours  et  assotist  leur  science  (Es.  44,  25).  Il  ne  reprent  pas  la  temerite  de  ceux  qui  sont  mal  fondez  en  l'art,  mais  il  renverse  leurs  principes  et  maximes,  assavoir,  ceste  consyderation  des  estoilles,  dont  il  parle  en  autre  lieu.  Parquoy  Daniel,  voulant  exposer  au  Roy  Nabucadnezer  le  songe  auquel  tous  les  Astrologues  et  devins  de  Caldee  n'avoyent  seu  mordre,  il  ne  se  fait  point  plus  1)  tanquam  ad  anchoram  consistere.