48:526  de  ea  homo  profanus  tale  praeiudicium  statim  tulit,  ut  ipsum  quasi  ex  vinctorum  ordine  exemptum  sineret  familiariter  invisi  ia  suis  eorumque  officiis  iuvari.  Colligimus  etiam  ex  hoc  loco,  non  fuisse  a  suis  comitibus  et  reliqua  ecclesia  desertum  Paulum.  Quorsum  enim  attinuit  eius  familiaribus  aditum  dari,  nisi  praesto  essent,  ostenderent  se  sollicitos  cuperentque  officio  defungi?  Discamus  igitur  hoc  exemplo,  quoad  nobis  liberum  erit,  et  facultas  dabitur,  non  esse  ullo  solatii  genere  fraudandos  Christi  martyres,  dum  pro  evangelio  laborant.  25.  Felix  cum  Drusilla.  De  Felicis  avaritia  et  corruptelis  supra  aliquid  dictum  est.  Nunc  quod  ad  uxorem  eius  Drusillam  spectat,  monendi  sunt  lectores,  eam  maioris  Agrippae  (de  cuius  foedo  obitu  narravit  Lucas  cap.  12)  fuisse  filiam.  Desponsa  fuerat  Epiphani,  regis  Antiochi  filio.  Sed  quum  adolescens  iudaicos  ritus  suscipere  abnueret,  quod  se  facturum  promiserat,  frater  eius  minor  Agrippa  (cuius  proximo  capite  fiet  mentio)  post  mortem  patris  eam  Azizo  Emesenorum  regi  dedit  uxorem:  e  cuius  conturbernio  blanditiis  Felicis  abducta  fuit.  Nam  hic  singulari  eius  pulchritudine  captus,  Simonem  quemdam  Iudaeum,  genere  Cyprium,  subornavit,  qui  suis  lenociniis  ad  novas  nuptias  eam  pelliceret.  Perfectum  est  igitur,  ut  libidinosa  mulier  rupta  coniugii  fide  contra  legem  homini  incircumciso  nuberet.  Caeterum,  quamvis  se  inquinasset  profano  coniugio,  coniicere  tamen  ex  hoc  loco  promptum  est,  non  prorsus  deletum  fuisse  ex  eius  animo,  quem  ab  infantia  imbiberat  religionis  sensum.  Neque  enim  Felix  audiendi  Pauli  cupidus  fuisset,  nec  dignatus  colloquio,  nisi  in  uxoris  gratiam.  Non  exprimit  hoc  quidem  Lucas,  sed  Drusillam  nominans  satis  innuit,  in  eius  gratiam  vocatum  fuisse  Paulum,  ut  de  evangelio  dissereret.  Quamquam  eiusmodi  apostatas  curiositas  potius  quaedam  titillat  quam  sincerus  discendi  affectus  sollicitet.  Audivit  eum  de  fide.  Testis  est  haec  Pauli  confessio,  prius  ipsum  non  tacuisse  de  Christo,  quia  sibi  metueret,  vel  ut  se  substraheret  a  crucis  molestia:  sed  quia  nondum  maturum  erat  audientiae  tempus.  Quum  ad  tribunal  reus  citatus  esset,  de  obiectis  sibi  criminibus  respondere  ipsum  oportuit,  ut  postea  liber  et  solutus  foret  ad  profitendam  Christi  fidem.  Ergo  ubi  nunc  apertam  sibi  dicendi  ianuam  cernit,  praesidis  offensionem"  non  formidat,  nec  discrimine  terretur,  ut  astute  dissimulet  se  esse  Christianum.  Itaque  videmus  tam  infracta  constantia  fuisse  instructum,  quam  prudentia  et  iudicio.  Nec  unquam  evangelii  lucem  ab  eo  fuisse  consulto  suppressam,  sed  duntaxat  habitum  temporis  delectum.  Iam  hic  mirabile  Dei  consilium  notare  operae  pretium  est,  qui  vult  interdum  reprobis  evangelium  proponi:  non  ut  inde  quidquam  proficiant,  sed  magis  ut  reddantur  inexcusabiles.  Satius  fuisset  Felici  et  Dru-