35:526  autre  verge  de  Dieu,  nous  ferons  assez  de  protestations  :  mais  nous  ne  faisons  que  secourre  l'aureille  (comme  on  dit)  quand  nous  sommes  eschappez  et  mettons  tantost  en  oubli  tout  ce  que  nous  faisons  semblant  d'avoir  cognu.  Mais  il  nous  est  yci  monstre  que  le  Roy  Ezechias  estant  retourne  en  guarison  n'a  pas  oublie  le  chastiment  qu'il  avait  receu  de  la  main  de  Dieu,  ni  les  angoisses  ausquelles  il  s'estoit  trouve:  ains  a  voulu  faire  un  memorial  de  tout,  afin  que  ceux  qui  viendroyent  apres  luy  en  fussent  enseignez.  Or  il  semblerait  de  prime  face  que  cest  escrit  ne  servist  point  d'instruction  a  ceux  qui  le  lisent,  mais  plustost  de  scandale:  car  nous  voyons  des  passions  excessives  d'un  homme  quasi  transsi  qui  ha  la  mort  en  telle  horreur,  qu'il  luy  semble  que  tout  est  perdu,  quand  Dieu  le  retire  du  monde.  Et  en  cela  nous  ne  voyons  que  signes  d'infidelite:  il  se  tormente  et  se  despite  (ce  semble)  avec  une  rebellion  qui  n'est  pas  digne  d'un  serviteur  de  Dieu.  Brief  il  semble  que  nous  ne  puissions  recueillir  de  ce  Cantique,  sinon  que  tout  ce  qu'il  y  a  eu  de  foy  en  Ezechias  n'a  este  qu'en  sa  prosperite  et  en  son  repos:  et  puis  qu'il  s'est  par  trop  lasche  la  bride  en  sa  tristesse  iusques  a  se  complaindre  de  Dieu,  comme  nous  verrons  qu'il  l'accompare  k  un  lion.  Mais  quand  tout  sera  bien  regarde,  nous  verrons  qu'il  n'y  a  instruction  meilleure  ne  plus  utile  pour  nous  que  ceste  ci  car  quand  nous  aurons  bien  examine  tout  ce  qui  est  en  nous,  alors  nous  cognoistrons  que  ceci  nous  est  propre.  Mais  en  premier  lieu  notons  que  le  bon  Roy  Ezechias  n'a  pas  yci  presche  ses  vertus  afin  d'estre  prise  au  monde:  car  il  eust  peu  mettre  sous  le  pied  ce  qu'il  declare  de  ses  fascheries,  et  cependant  il  eust  parle  de  la  requeste  qu'il  a  faite  a.  Dieu,  et  de  la  constance  de  sa  foy.  Ainsi  donc  il  ne  dit  point  qu'il  ait  este  magnanime,  qu'il  ait  surmonte  toutes  tentations  sans  aucun  empeschement  ne  combat:  il  ne