32:526  sainct  Aguathe,  ou  de  quelque  autre  sainct,  comme  a  Dieu.  Or  cela  n'est  que  profaner  avec  bestise  le  sainct  nom  de  Dieu.  Et  pourtant,  i'ay  dit  que  c'est  le  principal  que  nous  devons  avoir  en  priant  Dieu  que  de  luy  mettre  en  avant  ses  promesses:  Seigneur,  il  est  vray  que  nous  meritons  bien  d'estre  reiettez  de  toy,  mais  puis  que  tu  nous  y  convies,  et  que  tu  nous  y  appelles,  en  reculerons-nous?  Ne  faut-il  pas  que  nous  te  facions  cest  honneur  d'adiouster  foy  a,  ta  Parole,  et  la  tenir  certaine?  Puis  qu'ainsi  est  donc,  que  nous  avons  tes  promesses,  nous  pouvons  hardiment  nous  y  fier,  veu  qu'elles  sont  veritables,  et  que  nous  ne  pouvons  estre  frustrez,  nous  appuyans  sur  icelles.  Voyla  ce  que  David  nous  a  voulu  monstrer  en  ce  verset.  Or  il  adiouste,  Oste  la  voye  de  mensonge  de  moy,  et  donne  moy  ta  Loy.  Yci  il  recognoit,  combien  qu'il  fust  desia  exerce  en  la  doctrine  de  Dieu  et  en  sa  cognoissance,  dombien  qu'il  fust  Prophete  pour  enseigner  les  autres,  neantmoins,  qu'encores  estoit-il  suiet  a  beaucoup  de  mauvaises  affections  qui  le  pouvoyent  desbaucher  tous  les  coups  du  droit  chemin,  sinon  que  Dieu  luy  eust  tenu  la  main  forte.  Et  c'est  un  passage  que  nous  devons  bien  noter  que  cestuy-cy:  car  nous  voyons  comme  les  hommes  s'amusent.  Quand  quelqu'un  aura  quelque  bon  commencement,  ii  luy  semble  qu'il  est  au  dessus  de  ses  affaires:  il  ne  nous  souvient  plus  de  prier  Dieu  quand  il  nous  a  fait  ceste  grace  de  se  servir  de  nous:  si  nous  avons  fait  quelque  acte,  nous  levons  les  ailes,  et  nous  mirons  en  nos  vertus.  Bref,  il  nous  semble  que  le  diable  ne  peut  plus  rien  gagner  sur  nous.  Ceste  folle  outrecuidance  est  cause  que  Dieu  nous  laisse  esgarer,  que  nous  faisons  de  lourdes  cheutes,  voire  iusqu'a  nous  rompre  et  bras  et  iambes:  ouy  bien  en  danger  de  nous  rompre  le  col,  ie  ne  dy  point  selon  le  corps,  mais  selon  l'ame.  Regardons  mesme  David:  car  c'est  luy  qui  en  a  fait  l'experience.  Il  luy  est  advenu  de  s'esgarer  bien  vileinement  et  laschement,  quand  il  a  pris  Beth-sabe,  la  femme  de  son  suiet  Urie,  qu'il  a  paillarde  avec  elle,  qu'il  a  este  cause  d'un  meurtre  si  execrable,  voire  de  plusieurs  :  qu'il  n'a  pas  tenu  a  luy  que  l'armee  de  Dieu  ne  fust  desconfite,  et  tout  le  peuple  dIsrael.  Voyla  donc  une  trop  grande  nonchalance  qui  a  este  en  David:  et  voyla  pourquoy  il  dit,  Helas!  Seigneur,  conduy-moy  tellement  que  ie  soye  recule  de  la  voye  de  mensonge.  Tant  y  a  en  somme,  que  David  (combien  qu'il  eust  profite  tant  et  plus  en  la  Loy  et  doctrine  de  Dieu)  cognoit  bien  qu'il  est  suiet  a  estre  transporte  et  abuse  :  que  le  diable  le  pourroit  tromper  et  decevoir  en  beaucoup  de  sortes:  qu'il  pourroit  estre  seduit  par  beaucoup  de  tentations:  qu'il  pourroit  estre  alleiche  par  les  cupiditez  de  sa  chair:  que  tous  les  coups  il  pourroit  tomber,  n'es-