7:525  525  IUDICIAIRE.  526  nent,  ^reu  que  ce  sont  aussi  fleaux  de  Dieu  pour  ehastier  les  iniquitez,  qui  n'ont  nulle  dependance  de  la.  Nostre  Seigneur  faisant  la  promesse  a  Abraham  de  donner  1a  terre  de  Canaan  a  sa  lignee,  dit  que  le  terme  n'est  pas  encore  venu.  Il  n'allegue  point  que  le  regard  des  astres  ne  le  porte  pas.  Quoy  donc?  l)  Que  l'iniquite  des  Amorrhiens  n'est  pas  encore  venue  au  comble.  Parquoy,  tout  ainsi  qu'on  cueille  le  fruit  d'un  arbre  [page  26]  quand  il  est  meur,  ainsi  noz  pechez  meurissent  les  punitions  cie  Dieu.  Regardons  maintenant  si  l'impiete  des  hommes  et  leurs  transgressions  proviennent  des  astres.  Il  j  a  bien  eu  iadiz  quelques  phantastiques  qui  Tont  imagine,  mais  ceste  resverie  a  aussi  este  a  bon  droit  reiettee  de  tout  le  monde,  et  mesme  tenue  pour  une  invention  diabolique,  laquelle  tous  Chrestiens  doyvent  detester:  comme  de  fait  elle  ne  peut  estre  receue  que  toute  l'Escriture  saincte  ne  soit  renversee:  que  Dieu  ne  soit  blaspheme,  et  qu'on  ne  lasche  aux  hommes  la  bride  de  mal  faire.  Ainsi  ie  prendz  cest  article  pour  tout  conclut,  que  le  mespris  de  Dieu  et  les  dissolutions  qui  se  font  en  quelque  pays  que  ce  soit,  n'ont  nul  regard  aux  Estoilles.  Puis  qu'ainsi  est,  il  ne  faut  point  aussi  attribuer  aux  Estoilles  les  vengeances  de  Dieu  qui  surviennent  pour  telles  causes.  Si  on  replique  que  Dieu  se  pourra  bien  servir  des  moyens  naturelz  pour  chastier  les  hommes,  ie  ne  le  nie  pas.  Mais  est-ce  a  dire  que  cela  se  face  par  un  ordre  continuel,  selon  que  les  astres  y  seront  preparez?  Tout  au  contraire,  quand  Dieu  veut  secher  la  mer  rouge  et  le  Iourdain,  combien  qu'il  se  vueille  servir  du  vent  qui  Estoit  propre  a  cela,  neantmoins  il  n'est  pas  dit  que  ce  vent  la  soit  esmeu  par  quelque  [page  27]  constellation  :  ains  que  Dieu  l'a  esleve  sur  le  champ.  Combien  que  i'accorde  volontiers  que,  lors  que  bon  luy  semble,  il  applique  bien  la  nature  et  propriete  des  estoilles  a  son  service.  Seulement  ie  veux  dire  que  ne  les  famines,  ne  les  pestes,  ne  les  guerres  n'adviennent  iamais  pource  que  les  astres  y  sont  disposez,  si  ce  n'est  selon  que  Dieu  veut  declairer  son  ire  sur  la  malice  des  hommes.  Aucontraire,  que  l'abondance  des  biens,  la  sante  et  la  paix  ne  procedent  non  plus  de  l'influence  des  astres,  mais  de  la  benediction  de  Dieu,  soit  qu'il  nous  vueille  convyer  et  exhorter  a  repentance  par  une  telle  douceur,  soit  quil  nous  vueille  faire  sentir  son  amour  en  l'obeissance  de  sa  iustice.  Conclusion,  iusqu'a  ce  que  noz  Astrologues  fardez  ayent  monstre  que  ce  sont  les  Estoilles  qui  nous  font  servir  a  Dieu,  ou  nous  incitent  a  luy  estre  rebelles,  ie  concludz  qu'elles  ne  sont  point  cause  ne  du  bien  ne  1)  Quam  ergo  aliam  affert  causam?