6:525  REFORMANDAE  ECCLESIAE.  deri.  Quid  profecit?  Re  ulterius  provecta,  etiam  si  taceret  Lutherus,  satis  acres  stimulos  ad  incitandum  pontificem  habebat  necessitas,  ne  amplius  differret.  Id  palam  universus  orbis  christianus  ab  eo  flagitabat.  Piis  omnium  votis  satisfacere  illi  in  manu  erat.  An  fecit?  Nunc  impedimenta  causatur.  Verum,  si  fontem  investigare  libeat,  reperiemus  eum  solum,  et  sibi,  et  aliis  obstare,  ne  quid  agatur.  Verum,  quid  argumentis  istis  levioribus  insisto?  Quasi  vero  hoc*  unum,  aut  non  satis  sit  illustre,  aut  non  satis  ponderosum:  quod  nullum  a  principio  hucusque  secum  transigendi  aliam  spem  ostendit,  nisi  ut,  sepulto  rursum  Christo,  quidquid  impietatis  fuit  quum  nos  in  medium  prodiimus,  firmioribus  quam  ante  machinis  stabiliat.  Haec  scilicet  causa  est,  cur  hodie  quoque  fortiter  prohibeant  adversarii  ecclesiae  instaurationi  manum  admovere:  non  quia  necesse  non  sit  (id  enim  negare,  nimis  perditae  impudentiae  foret),  sed  quia  tam  salutem  ecclesiae  quam  interitum  ex  solo  pontificis  romani  arbitrio  nutuque  suspensam  esse  velint.  [pag.  126]  Nunc  de  remedio  videamus,  quod  solum  nobis  relinquunt,  qui  digitum  moveri  nefas  esse  censent,  quibuscunque  malis  prematur  ecclesia.  Ad  concilium  nos  universale  reiiciunt.  Quid?  An  si,  obstinatis  animis,  in  suum  exitium  maior  pars  ruat,  ideo  nobis  quoque  simul  perire  necesse  erit,  quum  penes  nos  saluti  nostrae  consulendi  sit  facultas?  At  nefas  est,  inquiunt,  abrumpere  ecclesiae  unitatem:  quae  tunc  abrumpitur,  si  seorsum  aliquid  in  fidei  doctrina  pars  una,  non  adhibitis  aliis,  decernat.  Postea,  quae  inde  incommoda  nascerentur,  amplificant:  nihil  praeter  horrendam  vastitatem  et  confusum  chaos  posse  exspectas,  si  propriam  sibi  fidei  formam  instituat  unaquaeque  gens  et  natio.  Haec  quidem  merito,  et  ad  rem  apposite  tum  dicerentur,  si  sponte  se  unum  ecclesiae  membrum  ab  aliis,  contempta  unitate,  separaret.  Verum  id  nunc  non  disputatur.  Utinam  impetrari  hoc  quidem  posset,  ut  sancta  conspiratione  omnes  christiani  orbis  monarchae  et  populi,  ad  expetendam  *)  praesentium  malorum  emendationem,  simul  digitum  tollerent.  Sed  quum  alios  videamus  a  meliori  statu  abhorrere,  alios  vero  aut  bello,  aut  aliis  curis  teneri  implicitos,  quominus  huc  studium  suum  applicare  queant:  quousque  tandem  alios  ex  spectando  nobis  consulere  differemus?  Atque  ut  liberius  malorum  omnium  fontem  aperiam:  videmus  romanum  pontificem,  quoad  poterit,  nunquam  passurum,  ut  consentiant  ecclesiae  omnes,  non  dico  ad  iustam  consultationem  habendam,  sed  omnino  ad  synodum  colligendam,  [pag.  127]  1)  expetendam  1543.  1552;  pour  chercher  quelque  bonne  reformation  G.  Apud  Bezam  legitur,  exspectandam,  quod  recentiores  quoque  habent.