48:525  525  CAPUT  XXIV.  526  iudicari,  id  est,  non  alia  de  causa  se  totum  hoc  molestiae  subire,  nisi  quia  resurrectionem  speraret.  Unde  apparet,  nunc  excudi  novam  accusationem  de  nihilo:  quia  si  quid  fuisset  noxae,  tunc  minime  tacuissent.  Probabile  quidem  est,  alios  postea  ultro  citroque  habitos  fuisse  sermones,  et  propius  quasi  manu  conserta  congressos  esse:  quia  videbimus  alibi  de  Christo  fuisse  contentionem:  sed  Lucae  tantum  propositum  fuit  monstrare  quam  probe  se  purgasset  Paulus  a  falsis  criminationibus  accusatorum.  23.  Auditis  autem  his,  Felix  distulit  Ulos,  certo  sciens  quae  ad  eam  viam  attinebant,  dicens:  Quum  tribunus  Lysias  descenderit,  pernoscam  causam  vestram.  24.  Iussitque  centurioni  ut  custodiret  Paulum  sineretque  eum  relaxari:  et  ne  quem  ex  illius  familiaribus  vetaret  subministrare  ei,  aut  adire  eum.  25.  Post  aliquot  autem  dies,  quum  advenisset  Felix  cum  Drusilla  uxore  sua,  quae  erat  Iudaea,  accersivit  Paulum,  et  audivit  eum  de  fide  quae  est  in  Christum.  26.  Disputante  autem  illo  de  iustitia  et  temperantia,  et  de  iudicio  futuro,  tremefactus  Felix  respondit:  In  praesentia  abi:  caeterum  opportunitatem  nactus  accersam  te,  27.  simul  et  illud  sperans,  fore  ut  pecunia  sibi  daretur  a  Paulo,  ut  solveret  ipsum.  Propter  quod  et  frequenter  accersens  eum  loquebatur  cum  ipso.  28.  Biennio  autem  expleto,  accepit  successorem  Felix  Portium  Festum.  Volens  autem  gratiam  praestare  Iudaeis  Felix  reliquit  Paulum  vinctum.  23.  His  auditis.  Apparet  Felicem,  quamvis  de  causa  nihil  pronuntiaret,  subolfecisse  nullo  suo  delicto  gravari  Paulum,  sed  sacerdotum  malitia.  Nam  ubi  narrat  Lucas,  in  adventum  Lysiae  reiectam  fuisse  actionem,  simul  quasi  rationis  loco  inserit,  praesidem  exacte  novisse  quae  ad  viam  spectabant.  Quibus  verbis  significari  arbitror  vel  iam  longo  usu  fuisse  exercitatum,  ut  sacerdotum  morem  teneret,  et  qualiter  so  gerere  solerent:  vel  ex  his,  quae  ultro  citroque  dicta  fuerant,  perspexisse  quam  frivola  esset  accusatio.  Idque  confirmat  humanior  et  magis  remissa  Pauli  ipsius  tractatio.  Nam  eius  curam  centurioni  mandat,  ut  sit  quasi  in  laxiore  custodia.  Alii  uno  contextu  legere  malunt  in  persona  Felicis:  Tibi  venerit  Lysias,  qui  melius  tenet  hanc  causam,  tunc  iudicabo.  Sed  ratione  parum  firma  adhuc  sen~  sum  hunc  coactum  eliciunt.  Negant  viae  nomen  pro  doctrina  legis  usquam  inveniri  sine  adiectione.  Atqui  neque  ego  de  lege  interpretor,  sed  de  sectis,  quarum  nulli  hospites  ignari  erant.  Nemini  certe  dubium  erat,  quin  animarum  immortalitatem  assererent  Pharisaei.  Quum  ergo  res  vulgo  trita  esset,  non  mirum  si  a  culpa  Paulum  absolvat  Felix.  Porro  viam  pro  cognitione  facti  accipere,  durum  esset  Praefectum  vero  maiorem  Lysiae  tribuere  legis  peritiam,  non  video  qui  conveniat.  Hinc  autem  illustrior  eius  innocentia  redditur,  quod