37:525  525  IN  IEREMIAM.  CAP.  II.  526  quasi  diceret,  Ubi  gravidae  sunt  asinae  sylvestres,  et  iam  instat  tempus  pariendi,  tunc  onere  suo  cohiberi:  ita  deprehendi  facile  posse,  quoniam  non  vigent  celeritate,  ut  antea:  gestant  enim  foetus  suos  in  utero.  Ergo  nunc  propheta  dicit  populum  esse  similem  asinis  sylvestribus,  quoniam  non  potest  ulla  doctrina  ipsos  remorari,  neque  fraenare  ipsorum  intemperiem:  sed  exspectandum  esse  tempus  partus.  Nunc  videndum  est  quomodo  haec  similitudo  aptari  ad  populum  debeat.  Continet  hic  versus  duas  partes:  prior  ostendit,  quemadmodum  iam  dixi,  populum  non  posse  flecti  ullis  sanctis  monitionibus  neque  parere  ullis  consiliis:  sed  ferri  vesana  sua  libidine,  quasi  vento  occasionis,  vel  fortuiti  occursus.  Haec  est  prior  pars.  Iam  quoniam  tanta  erat  contumacia  in  populo  illo,  Deus  hic  denuntiat  hypocritis,  venturum  esse  tempus,  quo  ipsis  remoram  iniiciat,  et  frangat  ipsorum  violentum  furorem.  Quomodo?  Aderit  tempus  pariendi,  hoc  est,  tandem  ubi  conceperitis  multas  iniquitates,  pondus  vestrum  vobis  obstabit.  Significat  autem  tempus  iudicii  sui:  quasi  diceret,  Non  est  agendum  vobiscum  tanquam  cum  hominibus  sani  et  moderati  iudicii.  Estis  enim  ferae  bestiae,  et  quae  cicurari  non  possunt.  Quid  ergo  restat?  Quemadmodum  asina  sylvestris  pondere  suo  gravatur  dum  tempus  partus  instat,  ita  ego  efficiam,  inquit,  ut  sentiatis  tandem  onus  vestrarum  iniquitatum,  quod  erit  vobis  intolerabile,  et  vos  opprimet:  Iam  etiam  si  pervicacia  vestra  sit  indomabilis,  manus  mea  sufficiet  ad  vos  cohibendos.  Ego  enim  vos  conteram,  quia  non  estis  flexibiles,  neque  obtemperans  doctrinae  meae.  Nunc  ergo  tenemus  et  quorsum  tendat  similitudo,  et  quomodo  accommodata  fuerit  ad  populum  illum,  et  quae  etiam  utilitas  hodie  a  nobis  colligi  debeat.  Reliqua  in  crastinum.  PRECATIO.  Da,  omnipotens  Deus,  quando  dignatus  es,  ubi  nos  eripuisti  a  Satanae  tyrannide,  imponere  iugum  tuum  cervicibus  nostris,  ut  etiam  regas  nos  spiritu  docilitatis,  et  obedientiae,  et  mansuetudinis:  atque  ita  nos  tibi  sponte  subiiciamus  tota  vita,  ut  fructum  ex  nobis  colligas  gratiae  redemptionis  tuae:  et  ita  renuntiemus  peccato,  ut  Ubi  tamen  nos  addicamus  in  obsequium,  et  servi  simus  iustitiae  tuae,  donec  tandem  peracto  militiae  nostrae  cursu,  colligamur  in  beatam  Ulam  quietem,  quae  nobis  parta  est  sanguine  unigeniti  filii  tui,  Amen.  25.  Prohibe  pedem  tuum  a  discalceare  (hoc  est,  ne  discalceeris),  et  guttur  tuum  a  siti  (quanquam  alii  existimant  esse  nomen  substantivum  FjfP,  et  mihi  placet:  ita  vertendum  erit,  Prohibe  pedem  tuum  a  discalceatione,  et  guttur  tuum  a  siti),  et  dixisti,  Actum  est:  non:  quia  dilexi  alienos,  et  post  Ulos  ambulabo.