35:525  525  SERMONS  SUR  LE  CANTIQUE  D'EZECHIAS.  PREMIER  SERMON.  9.  VEscrit  d'Ezechias  Roy  de  Iuda  quand  il  eut  este  malade  et  fut  guari  de  sa  maladie.  10.  Tay  dit  en  la  coupure  de  mes  iours,  Tiray  aux  portes  du  sepulchre:  Vay  cerche  le  residu  de  mes  ans:  ll.  Et  ay  dit,  Ie  ne  verr  ay  plus  le  Seigneur  en  la  terre  des  vivans,  Ie  ne  verray  plus  l'homme,  ne  les  habitans  du  siecle.  12.  Ma  vie  s1  est  retiree,  et  a  este  changee  comme  une  loge  de  pasteur.  Comme  le  nom  de  Dieu  est  immortel,  aussi  vous  faut-il  mettre  peine  que  ceux  qui  viendront  apres  nous  le  reclament,  et  qu'il  soit  adore  et  glorifie  en  tout  temps.  Ainsi  ce  n'est  point  assez  que  durant  nostre  vie  nous  taschions  d'honorer  Dieu:  mais  (comme  i'ay  desia  dit)  nostre  solicitude  se  doit  estendre  pour  l'avenir,  a  ce  que  nous  ayons  quelque  semence  de  religion,  tellement  que  la  verite  de  Dieu  ne  soit  iamais  abolie:  et  sur  tout  ceux  que  Dieu  a  ordonnez  en  quelque  estat  pour  conduire  les  autres,  doyvent  s'employer  tant  plus  a  cela.  Comme  aussi  nous  voyons  que  sainct  Pierre  declarant  que  la  fin  est  prochaine,  et  qu'il  faut  qu'il  desloge  du  monde,  adiouste  qu'en  tant  qu'il  luy  sera  possible  il  fera  que  la  doctrine  qu'il  a  preschee  soit  tousiours  en  sa  vigueur  et  en  memoire,  et  qu'on  y  profite  apres  son  trespas.  Voyla  pourquoy  Ezechias  ne  s'est  point  contente  de  faire  de  bouche  ceste  protestation  que  nous  lisons  yci:  mais  il  l'a  voulu  escrire,  afin  que  iusques  en  la  fin  du  monde  on  cognust  combien  il  avait  este  angoisse  en  son  affliction,  et  que  cela  servist  de  doctrine  a  tout  le  monde:  comme  auiourd'huy  nous  en  pouvons  bien  faire  nostre  profit.  Notamment  il  est  dit  que  ceste  escriture  a  este  faite  apres  qu'il  est  retourne  en  convalescence.  Car  souvent  quand  nous  sommes  pressez  ou  de  maladie,  ou  de  quelque