32:525  525  SDR  LE  PSEAUME  CXIX.  526  nous  sommes  trop  rudes  et  grossiers  pour  parvenir  a  une  telle  sagesse,  sinon  d'autant  que  Dieu  nous  y  conduit.  Voyla  comme  et  disciples  et  maistres,  et  ceux  qui  escoutent,  et  ceux  qui  parlent,  doyvent  apporter  une  reverence,  quand  il  est  question  de  traitter  de  la  Parole  de  Dieu.  Or  il  adiouste  quant  et  quant,  Mon  ame  s'est  esvanouye  d?angoisse,  conferme  moy  selon  ta  Parole.  Yci  David  exprime  plus  clairement  ce  que  nous  avons  desia  touche:  c'est  ascavoir,  que  le  com-,  ble  de  la  ioye  des  fideles  est  en  ce  que  Dieu  leur  est  propice,  et  que  le  cognoissans  tel,  ils  soyent  confermez  en  ea  grace,  ne  doutans  point  de  sa  bonne  volonte.  Qu'ainsi  soit,  David  dit  en  premier  lieu,  Mon  ame  s'est  escoulee  d'angoisse,  comme  s'il  disoit,  que  toute  sa  vertu  luy  est  defaillie.  Car  ceste  similitude-cy  est  aussi  bien  en  d'autres  passages  de  l'Escriture,  Nous  sommes  decoulez  comme  eau.  Ainsi  donc  voyci  David  qui  est  comme  un  homme  desespere,  tellement  abbatu,  qu'il  ne  luy  reste  plus  ne  vigueur,  ne  rien  qui  soit,  sur  cela  il  demande  a  Dieu  d'estre  conferme.  Or  notons  bien  qu'il  ne  parle  point  yci  d'une  foiblesse  de  son  corps,  pour  dire,  qu'il  fust  abbatu  de  maladie,  et  que  son  ame  cependant  fust  robuste  :  mais  il  dit,  qu'il  est  escoule  d'angoisse,  comme  s'il  disoit,  qu'entierement  il  est  defailly.  Sur  cela  il  demande  d'estre  conferme,  voire  selon  la  Parole  de  Dieu.  Yci  donc  nous  voyons,  que  quand  Dieu  nous  amortira,  nous  serons  comme  esperdus:  et  que  non  seulement  toutes  les  forces  de  la  vie  presente  seront  aneanties  en  nous  :  mais  qu'en  nos  ames  aussi  et  en  nos  esprits  nous  serons  comme  defaillans,  que  c'est  alors  que  nous  le  pouvons  plus  hardiment  invoquer  a  l'exemple  de  David.  Ne  craignons  point  donc  d'estre  destituez  de  Dieu,  plustost  apprenons  de  le  requerir  qu'il  nous  conferme,  car  David  nous  en  monstre  le  chemin,  et  n'y  est  point  alle  de  son  propre  mouvement,  c'est  l'Esprit  de  Dieu  qui  Ta  pousse  a  cela.  Parquoy,  ayans  un  si  bon  conducteur,  ne  craignons  point  d'estre  frustrez  de  nos  demandes,  quand  nous  suyvrons  la  doctrine  qui  est  yci  contenue.  Or  il  retourne  a,  ce  premier  argument  que  nous  avons  touche:  c'est  ascavoir,  selon  la  Parole  de  Dieu.  En  quoy  nous  voyons,  que  toute  l'asseurance  et  certitude  que  nous  devons  avoir  en  priant  Dieu,  c'est  de  regarder  a  ce  qu'il  nous  a  promis  :  car  ceux  qui  se  fieront  en  eux-mesmes,  qui  penseront  avoir  de  quoy  estre  exaucez  de  Dieu,  il  est  certain  que  iamais  n'ouvriront  la  bouche  pour  requerir  Dieu:  ou  s'ils  le  font,  il  n'y  aura  qu'hypocrisie.  Comme  en  la  Papaute,  ou  on  n'est  point  enseigne  des  promesses  de  Dieu.  Il  est  vray  qu'on  barbottera  beaucoup,  qu'on  dira  des  Patres,  et  meslera-on  des  Ave  Maria  parmy,  et  mesme  on  adressera  aussi  bien  son  Pater  au  marmoset  de