25:525  525  COMMENTARIUS  IN  IOSUE  CAP.  XV.  526  extra  ordinem,  et  privilegio  data  hospitium  Levitis  non  negavit.  CAPUT  XV.  1.  Fuitque  sors  tribui  filiorum  Iehuda  per  familias  eorum  iuxta  terminum  Edom,  et  desertum  Sin  ad  austrum  ab  extremo  austri.  2.  Fuitque  eius  terminus  meridiei  ab  extremo  maris  salis,  hoc  est  a  petra  quae  respicit  ad  meridiem.  3.  Et  egreditur  versus  meridiem  Maale-acrabim,  et  illinc  transit  in  Sin:  progrediens  autem  a  meridie  in  Cades-barnea  transit  illinc  in  Esron,  et  rursum  ascendit  in  Adar,  unde  circuit  in  Carcaa.  4.  Inde  transit  in  Asmon,  et  egreditur  ad  torrentem  Aegypti:  suntque  egressus  huius  termini  ad  occidentem:  iste  erit  vobis  terminus  ad  meridiem.  5.  Terminus  vero  ad  orientem,  est  mare  salis  usque  ad  extremitatem  Iordanis,  terminus  autem  anguli  aquilonaris  a  petra  maris  ab  extremo  Iordanis.  6.  Ascenditque  terminus  iste  in  Bet-hoglah,  et  transit  ab  aquilone  ad  Betharaba,  atque  illinc  ascendit  terminus  iste  ad  lapidem  Bohan  filii  Ruben.  7.  Ascendit  praeterea  terminus  iste  in  Debir  a  valle  Achor,  et  versus  aquilonem  respicit  ad  Gilgal,  quae  est  e  regione  ascensus  Adummim,  quae  quidem  est  ab  austro  torrenti  et  transit  terminus  iste  ad  aquas  Ensemes,  suntque  exitus  eius  ad  En-rogel.  8.  Et  ascendit  terminus  iste  ad  vallem  filii  Hinnom,  ad  latus  Iebusaei  a  meridie,  ipsa  est  Ierusalem:  ascendit  insuper  terminus  iste  ad  verticem  montis  qui  est  e  regione  vallis  Hinnom  ad  occidentem,  quae  quidem  est  in  extremitate  vallis  Rephaim  ad  aquilonem.  9.  Circuit  autem  terminus  a  vertice  ipsius  montis,  ad  fontem  aquae  Nepthoah,  et  egreditur  ad  urbes  montis  Ephron,  circuitque  terminus  iste  in  Baala,  ipsa  est  Ciriath-iearim.  IO.  Et  Mine  gyrat  terminus  iste  a  Baala  ad  occidentem  ad  montem  Seir  et  illinc  pertransit  ad  latus  montis  Iearim  ab  aquilone,  ipsa  est  Chesalon,  descenditque  in  Bethsemes,  et  pertransit  in  Timna.  ll.  Egrediturque  terminus  ad  latus  Ecron  ad  aquilonem,  et  circuit  terminus  iste  ad  Sichron,  pertransitque  ad  montem  Baala,  et  illinc  egreditur  in  Iabneel,  suntque  exitus  huius  termini  ad  mare.  12.  Porro  terminus  occidentalis  ad  mare  magnum,  et  terminum,  iste  est  terminus  filiorum  Iehuda  per  circuitum,  per  familias  suas.  13.  Caleb  autem  filio  Iephune  dedit  partem  in  medio  filiorum  Iehuda,  secundum  sermonem  Iehovae  ad  Iosue,  Ciriath-arba  patris  Anac,  ipsa  est  Hebron.  1.  Iam  praefatus  sum  in  delineando  locorum  situ  et  excutiendis  nominibus  non  fore  me  curiosum,  partim  quia  me  in  topographica  scientia  vel  chorographica  non  esse  exercitatum  fateor:  partim  quia  magni  laboris  nonnisi  tenuis  fructus  ad  lectores  rediret.  Imo  forte  maxima  pars  absque  utilitate