7:524  les  nues,  et  cependant  ne  consyderent  point  a  quoy  Dieu  les  appelle,  n'ont  nul  esgard  a  leur  office,  se  destournent  du  chemin  que  Dieu  leur  monstre,  oublient  le  devoir  qu'ilz  ont  a  leurs  prochains:  n'est-ce  pas  raison  qu'on  se  moque  de  leur  vanite,  et  que  Dieu  aussi  les  mette  en  opprobre,  les  faisant  non  seulement  chopper,  mais  en  la  fin  se  rompre  le  col  du  tout?  Apres  que  messieurs  les  tienethliaques  ont  assubietty  un  chascun  de  nous  a  leur  iurisdiction  astronomique,  ilz  usurpent  une  mesme  puissance  sur  l'estat  universel  du  monde.  Or,  ie  confesse  bien,  suyvant  ce  que  i'ay  cy  dessus  traite,  qu'entant  que  les  corps  terrestres  ont  convenance  avec  le  ciel,  on  peut  bien  noter  [page  24]  quelque  cause  aux  astres  des  choses  qui  aviennent  icy  bas.  Car  tout  ainsi  que  l'influence  du  ciel  cause  souvent  les  tempestes,  tourbillons  et  temps  divers,  item  les  pluyes  continuelles:  ainsi,  par  consequent,  elle  amene  bien  la  sterilite  et  les  pestilences.  Entant  donc  qu'on  verra  un  ordre  et  comme  une  liaison  du  haut  avec  le  bas,  ie  ne  contredy  pas  qu'on  ne  cerche  aux  creatures  celestes  l'origine  des  accidens  que  on  void  au  monde.  I'entens  l'origine,  non  pas  premiere  et  prinoipale,  ains  comme  moyen  inferieur  a,  la  volonte  de  Dieu  :  et  mesme  dont  il  se  sert  comme  de  preparation  pour  accomplir  son  oeuvre,  ainsi  qu'il  l'a  delibere  en  son  conseil  eternel.  Tant  y  a  qu'il  ne  nous  faut  pas  du  tout  nier  qu'il  n'y  ait  quelque  correspondence  aucunesfois  entre  une  peste  que  nous  verrons  icy  et  la  constellation  qui  se  cognoist  au  ciel  par  l'astrologie.  Neantmoins  il  s'en  faut  beaucoup  que  cela  soit  general:  car  quand  l'election  fut  laissee  a  David,  laquelle  il  voudroit  choisir  des  trois  verges  de  Dieu,  et  qu'il  eut  choisy  la  peste,  nous  ne  dirons  point  que  cela  procedast  des  astres.  Pareillement,  quand  la  famine  fut  si  grande  en  Syrie  et  en  Israel  du  temps  d'Elie,  et  que  la  secheresse  y  fut  si  longue,  ce  seroit  grande  folie  de  cercher  si  les  astres  y  estoyent  [page  25]  disposez,  veu  que  c'estoit  un  miracle  extraordinaire  Et  ne  faut  prendre  cest  exemple  comme  bien  rare  entre  les  autres,  attendu  que  Dieu  parle  generalement  en  Moyse,  en  disant  que  toutes  les  adversitez  qu'ont  les  hommes  sont  cachees  en  ses  thresors:  enquoy  il  signifie  qu'il  les  met  en  avant  par  son  iuste  iugement  pour  punir  les  pechez  des  hommes,  et  que  si  les  hommes,  par  leur  malice,  ne  provoquoyent  son  ire,  qu'il  les  tiendroit  encloses  comme  en  un  coffre.  Et  de  fait,  il  n'y  a  guere  de  plus  commune  doctrine  par  tous  les  Prophetes  que  ceste  cy:  c'est  qu'il  nous  rendra  le  ciel  et  la  terre  comme  d'aerain.  Puis  'qu'il  en  assigne  la  cause  a  noz  pechez,  toute  constellation  en  est  exclue.  Quant  aux  guerres,  il  y  a  encore  moins  de  propos  de  cercher  la  raison  aux  Estoilles,  pourquoy  elles  advien-