6:524  cardinales?  Dicant  igitur  quo  titulo  haberi  se  velint  legitimos  pastores,  qui  nullam  officii  partem,  vel  minimo  digito,  ne  in  speciem  quidem,  attingunt.  Verum,  ut  demus  haec  omnia  :  episcopum  esso,  qui  ab  omni  officii  sui  parte  in  totum  abstineat:  ecclesiam  esse,  quae  tam  verbi  ministerio,  quam  puro  sacramentorum  usu  careat:  quid  tamen,  ubi  omnia  contra  pugnant?  Iam  aliquot  saeculis  sedem  illic  habuerunt  impiae  superstitiones,  aperta  idololatria,  perversae  doctrinae:  ea  doctrinae  capita,  quibus  potissimum  christiana  religio  continetur,  eversa.  Prostitutis  ad  turpem  quaestum  aliasque  pollutiones  sacramentis,  extremo  ludibrio  habitus  fuit  Christus,  ut  iterum  quodammodo  crucifigeretur.  Eritne  illa  omnium  ecclesiarum  mater,  quae  adeo  nullam,  non  dico  faciem,  sed  ne  lineam  quidem  retinet  verae  [pag.  124]  ecclesiae,  ut  nervos  omnes  sanctae,  qup.e  inter  fideles  esse  debet,  communionis  absciderit?  Nunc  renascenti  evangelii  doctrinae  non  aliter  se  opponit  romanus  pontifex,  quam  si  de  capite  suo  ageretur.  An  non  eo  ipso  demonstrat,  non  aliter  salvam  sibi  fore  suam  sedem,  nisi  profligato  Christi  regno?  Novit  tua  Maiestas,  Caesar,  quantus  hic  mihi  dicendi  campus  pateat.  Verum,  ut  breviter  locum  hunc  concludam:  nego  apostolicam  esse  eam  sedem,  ubi  nihil  praeter  horrendam  apostasiam  visitur:  nego  vicarium  esse  Christi,  qui  evangelium  furiose  persequendo  Antichristum  se  esse  opere  demonstrat:  nego  esse  Petri  successorem,  qui  ad  demoliendum  quidquid  aedificavit  Petrus  toto  conatu  incumbit:  nego  caput  ecclesiae  esse,  qui  rescissam  a  Christo  vero  et  unico  capite  ecclesiam  sua  tyrannide  discerpit  ac  lacerat.  Ad  haec  omnia  mihi  respondeant,  qui  sic  alligatam  sedi  romanae  esse  volunt  ecclesiae  hierarchiam,  ut  papae  autoritati  certam  ac  testatam  evangelii  doctrinam  posthabere  non  dubitent.  Imo  nihil  respondeant  ipsi:  tantum  vos  expendite,  invictissime  Caesar  et  illustrissimi  Principes,  aequumne  an  iniquum  postulemus.  Hinc  quoque  procul  dubio  statuere  vobis  promptum  erit,  quam  non  audienda  sit  adversariorum  nostrorum  calumnia,  dum  impiae  temeritatis,  et  quasi  inexpiabilis  audaciae  nos  accusant,  quia  ad  purgandam,  tum  doctrinae,  tum  ceremoniarum  inquinamentis  ecclesiam,  non  exspectato  pontificis  romani  [pag.  125]  nutu,  aggressi  simus.  Id  vero  privatis  hominibus  fas  fuisse  negant.  At  vero,  quid  ab  eo  sperandum  erat,  quem  loco  cedere  oportebat,  ut  ecclesia  in  statum  meliorem  restitui  posset?  Deinde  quisquis  memoria  repetet,  quae  Lutheri  aliorumque  fuerint  initia,  qui  progressus,  nullam  a  nobis  purgationem  requiret.  Suppliciter,  quum  integra  adhuc  essent  omnia,  oravit  pontificem  Lutherus,  ut  gravissimis  ecclesiae  morbis  in  animum  induceret  me-