48:524  ad  coarguendos  stuporis  homines:  ut  certo  colligere  liceat,  non  serio  credere  vitam  aeternam,  ad  quam  non  adspirant.  Conscientiam  vocat  anpoaxoTcov,  quasi  dicas  inoffensam:  ubi  obstaculis  removendis  incumbunt  servi  Dei,  quae  eorum  cursum  impediunt.  Duas  autem  conscientiae  partes  ponit.  Nam  est  quidam  interior  mentis  sensus,  qui  Deum  solum  respicit.  Inde  postea  nascitur  fides  et  integritas,  quam  cum  hominibus  colimus.  Demum  ubi  se  constanter  prosequutum  esse  dicit  tam  pietatem  in  Deo  colendo,  quam  iustitiam  inter  homines,  significat  eos  vere  sperare  ultimam  resurrectionem,  qui  bene  agendo  nunquam  fatigantur.  Nam  particula  semper  designat  perseverantiam  in  cursu  aequabili.  17.  18.  Post  annos  autem  complures.  Sensus  est,  iam  a  longo  tempore  non  fuisse  Ierosolymis,  sed  in  aliis  regionibus  procul  versatum  esse,  et  longo  temporis  intervallo  nunc  venisse  ad  ferendas  eleemosynas  et  sacrificium  gratiarum  actionis  Deo  offerendum.  Unde  etiam  eorum  inhumanitas  et  simul  ingratitudo  apparet,  quod  quum  modis  omnibus  favorem  esset  promeritus  in  tota  gente,  tam  iniquam  illi  mercedem  rependant.  Hic  vero  locus  superiorem  exponit,  ubi  adorationis  facta  fuit  mentio.  Certum  enim  est,  non  ex  professo  venisse  Paulum,  ut  in  templo  offerret:  quia  eius  rei  consilium  non  nisi  post  suum  adventum  coepit.  Sed  tantum  recitat  quid  in  eo  deprehenderint  Iudaei,  quod  ad  causam  praesentem  praecipuum  habebat  pondus.  Tandem  quum  dicit  se  hoc  agentem  fuisse  in  templo  deprehensum,  et  quidem  prius  solenni  purgatione  interposita:  deinde  quietum  et  nihil  tumultus  moventem,  utrumque  crimen  iterum  a  se  depellit.  Purgatio  enim  testis  erat,  minime  profanatum  ab  eo  fuisse  templum.  Deinde  quum  pacate  ageret  sine  hominum  turba,  nulla  erat  tumultus  suspicio.  19.  20.  21.  22.  Quidam  ex  Asia.  Defectiva  est  oratio:  sensus  tamen  ambiguus  non  est,  quod  potius  sine  causa  tumultuati  sint  illi  Asiatici,  quos  abesse  conqueritur:  ac  si  diceret:  Vos  qui  tot  crimina  in  me  congeritis,  quomodo  res  habeat  non  potestis  asserere:  sed  rumorem  temere  creditum  ad  praesidis  tribunal  affertis.  Qui  autem  totius  mali  culpam  sustinent,  et  qui  fuerunt  incendii  flabella,  non  comparent.  Postquam  in  alios  crimen  retorsit  Paulus,  nunc,  quasi  collecta  fiducia,  praesentes  adversarios  provocat,  ut  libere  proferant  si  quid  habent  compertum.  Quamquam  in  participio  oiavTOc  ab  Erasmo  et  veteri  interprete  dissentio:  vertunt  enim  in  praesenti  tempore:  et  aoveSpcov  de  consessu  praesidis  exponunt,  quod  mihi  alienum  videtur  a  mente  Pauli.  Sentit  enim,  meo  iudicio,  se  in  illorum  auveSpup  fuisse  paratum  reddendae  omnium  rationi.  Tunc  autem  nihil  fuisse  ab  illis  cognitum  quod  criminari  queant:  quia  ad  unam  solum  vocem  efferbuerint,  quum  dixit  de  resurrectione  mortuorum  se