20:524  4228.  CALVIN  A  UNE  EGLISE  Au  sujet  d'une  affaire  matrimoniale.  (Minute  ou  copie  authentique  sans  adresse.  MSS.  de  Geneve  Vol.  107��,  fol.  356.  Bonnet  IL  586.)  La  dilection  de  Dieu  nostre  Pere  et  la  grace  de  nostre  Seigneur  Iesus  christ  soit  tousiours  sur  vous  par  la  communication  du  Saint  Esprit.  Treschers  Seigneurs  et  freres,  nous  eussions  bien  voulu  pouvoir,  a  fin  de  vous  soulager  de  toute  peine,  vuyder  le  different  qui  est  entre  noble  Antoine  de  Pertenay,  seigneur  de  Queray,  et  celuy  qui  vous  est  cognu  sous  le  nom  du  seigneur  de  la  Place,  touchant  un  mariage  contracte  1)  entre  le  dit  de  la  Place  et  une  des  filles  du  seigneur  de  Bouilet,  lequel  ledit  seigneur  de  Queray  pretend  estre  clandestin.  Et  dautant  qu'il  a  espouse  une  seur  de  ladite  fille,  se  sent  jniustement  greve  de  n'y  avoir  point  este  appelle,  comme  aussi  il  fait  la  mesme  complainte  pour  son  autre  beau  frere  le  seigneur  de  Roussiiion.  Or  nous,  apres  avoir  oui  les  parties  et  ce  que  chacun  a  voulu  alleguer  pour  approuver  sa  cause,  ayans  aussi  leu  les  advertissemens  et  les  tesmoignages  venus  de  pardela,  avons  bien  cognu  que  ledit  de  la  Place  avoit  tenu  mauvaise  procedure  au  present  fait,  dont  nous  avons  este  bien  faschez  pour  les  blasmes  et  opprobres  qui  en  peuvent  venir  sur  l'Evangile,  et  le  scandale  qu'en  pourront  recevoir  les  debiles.  Ce  que  nous  luy  avons  remonstre,  comme  nostre  devoir  le  portoit.  Car  quelque  converture  quil  puisse  amener,  iamais  ne  se  purgera  qu'il  n'ait  failly  en  plusieurs  sortes.  Toutesfois  nous  n'avons  pas  trouve  bon,  et  n'estoit  pas  aussi  en  nostre  liberte  de  rien  definir  de  la  cause,  attendu  que  nous  avons  icy  un  ordre  en  matiere  de  mariage  auquel  nous  ne  voudrions  faire  aucun  preiudice.  C'est  que  le  consistoire,  duquel  nous  ne  sommes  que  une  partie,  en  soit  juge.  D'avantage  nous  ne  sommes  pas  bien  informez  de  toutes  les  circonstances,  comme  jl  seroit  requis.  Finalement  la  fille  et  la  mere  ne  sont  pas  jci,  en  l'absence  desquelles  il  est  difficile  de  bien  prononcer  du  fait.  Pour  ces  raisons,  apres  avoir  exhortez  les  deux  parties  d'acquiescer  a  nostre  conseil  et  advis,  ce  qu'ils  ont  fait,  et  s'y  sont  submis  par  leur  signature,  nous  n'avons  trouve  meilleur  expedient  que  de  les  renvoyer  par  devers  4228.1)  ce  mot  est  efface  par  une  main  plus  recente  et  omis  dans  l'imprime.