5:523  ACTES  DE  RATISBONNE.  pelle  ce  mal  peche.  Et  non  seullement  pource  qu'il  sort  du  peche,  mais  pour  ce  qu'il  incline  a  peche:  et  en  iceluy  est  desobeissance  contre  la  domination  de  l'esprit.  Car  le  dict  S.  personnage  escript  en  ceste  maniere  :l)  La  concupiscence  de  la  chair,  contre  laquelle  le  bon  esprit  desire,  est  peche,  car  en  icelle  est  desobeyssance  contre  la  seigneurie  de  l'esprit:  et  est  aussi  peine  de  peche,  car  elle  est  rendue  aux  merites  du  desobeyssant,  semblablement  elle  est  cause  du  pecho,  par  la  deffaillance  du  consentant,  et  par  la  souilleure  que  nous  attyrons  de  nostre  nativite.  Et  en  un  aultre  lieu:2)  Ia  soit  (dit-il)  que  le  peche  n'est  pas  en  telle  maniere  appelle  pecho,  pour  ce  qu'il  rend  l'homme  coulpable,  mais  pource  que  par  la  coulpe  du  premier  homme  il  a  este  faict,  et  que  par  la  rebellion  il  tasche  a  nous  tirer  a  condemnation,  si  la  grace  de  Dieu  par  Iesus  Christ  nostre  Seigneur  ne  nous  aydoit,  a  ce  que  le  peche  qui  est  mort  ne  rebelle:  tellement  qu'en  surmontant,  il  vive  et  regne  de  rechef.  Or  tout  incontinent  que  le  peche  vient  a  sortir  violentement,  et  se  descouvrir  en  quelque  acte  vitieux,  comme  sont,  mespriser  ou  hayr  le  iugement  de  Dieu  et  se  desfier  de  ses  promesses,  se  mutiner  a  l'encontre  de  Dieu  et  aultres  semblables  [fol.  12]  esmotions  encor  beaucoup  moindres,  esquelles  il  survient  telle  quelle  delectation  ou  consentement  ou  souffrance  lors  en  nous  est  faict  le  peche  actuel,  lequel  requiert  estre  de  nouveau  remiz  ou  non  impute.  Et  pource  que  nostre  infirmite  est  si  grande  et  ceste  racine  d'amertume  residue  en  nous,  est  si  plantureuse,  qu'il  ne  se  peult  faire  que  nous  ne  nous  laissions  chascune  foys  cheoir  soubz  ie  fardeau  de  concupiscence,  et  que  ceste  racine  d'amertume  ne  produise  fruictz  amers,  c'est  a  dire  contemnement  de  Dieu  et  perverses  affections.  Et  pourtant  il  est  necessaire  que  tous  sainctz  personnaiges,  tandis  qu'ils  sont  en  ceste  vie  presente,  ayent  besoing  de  dire:  Pardonne  nous  noz  pechez  etc.  Item,  si  nous  disons  que  nous  n'avons  point  de  peche  etc.  Donc  en  ce,  la  concupiscence,  qui  est  en  ceux  qui  ne  sont  regenerez,  differe  de  celle  concupiscence  qui  est  encor  es  regenerez,  en  tant  que  la  premiere  a  la  condemnation  de  mort  eternelle,  mais  par  Christ  condemnation  est  ostee  de  la  concupiscence  des  regenerez.  Contre  ceste  derniere,  les  fidelles  bataillent  et  la  mortifient.  La  premiere  est  aux  reprouvez  tout  ainsi  matiere  de  ruyne,  comme  ceste  cy  nous  est  exercice  de  foy  et  d'humilite.  Puis  donc  que  la  1)  Au  livre  V.  Ch.  3.  contre  lulhanus.  2)  Au  li^re  II.  contre  Iullianus.