48:523  523  IN  ACTA  APOSTOLORUM  524  stitionibus  commune  futurum  erat.  Tantum  os  suis  adversariis  obstruere  voluit.  Interea  pro  confesso  sumebat,  patres,  a  quibus  profecta  erat  iudaica  religio,  probos  et  germanos  fuisse  Dei  cultores:  ut  iure  gloriari  possent  Iudaei  non  degeneres,  patrium  Deum,  quem  colebant,  unicum  esse  coeli  et  terrae  opificem:  gentiles  vero  totius  reliqui  orbis  deos,  inania  esse  figmenta.  Credens  omnibus.  Brevis  expositio  proximae  sententiae.  Nam  quia  non  simpliciter  affirmaverat  se  Deum  colere,  sed  addiderat  particulam  OOTIDC:  nunc  definit1)  quomodo  Deum  colat.  Unde  apparet  eum  sedulo  cavere,  ne  se  adventitiis  quae  inter  Iudaeos  regnabant  superstitionibus  implicet.  Quemadmodum  si  papistis  hodie  quispiam  nostrum  respondet  se  Deum  colere  quem  profitentur,  qualiter  ex  lege  et  evangelio  sumus  edocti.  Hinc  discamus  non  coli  rite  Deum,  ut  grata  ei  sint  nostra  obsequia,  nisi  ex  fide,  quae  unicum  est  pietatis  fundamentum.  Neque  enim  ut  se  Dei  servum  probet,  nudas  caeremonias  obtrudit:  sed  diserte  ponit,  se  credere.  Continet  praeterea  hic  locus  utilem  doctrinam,  hoc  unicum  esse  rectae  et  orthodoxae  fidei  fundamentum,  scripturae  se  subiicere,  et  reverenter  amplecti  eius  doctrinam.  Porro  hic  Paulus  scripturam  partitur  in  legem  et  prophetas,  quo  clarius  demonstret  nihil  se  ab  universali  ecclesiae  consensu  habere  diversum.  15.  Spem  habens  in  Deum.  Notanda  est  sermonis  series.  Postquam  enim  scripturae  se  credere  professus  est,  nunc  spem  futurae  resurrectionis  subiungit,  ut  appareat  non  carnis  sensu,  vel  ex  hominum  placitis,  sed  ex  Dei  verbo  esse  conceptam.  Ita  praecedit  scripturae  reverentia,  ut  nos  eius  autoritas  devinctos  teneat,  et  fidei  exordium  est.  Deinde  sequitur  eorum  quae  illic  Deus  patefecit  cognitio,  certae  spei  coniuncta.  Quod  autem  illos  facit  sibi  socios,  ad  saniorem  partem  refertur.  Quamquam  non  dubium  est  quin  hoc  artificio  eos  ex  latebris  elicere  in  apertam  lucem  coram  Felice  tentet:  sicuti  rursum  ex  clausula  defensionis  patebit.  Caeterum  generalis  hic  resurrectio  asseritur  contra  quosdam  fanaticos,  qui  eam  ad  Christi  membra  restringunt.  Verum  ut  hoc  loco  Paulus  omnes  resurrecturos  dicit,  sic  clara  Christi  voce  promiscue  citantur  omnes:  alii  ad  iudicium,  alii  ad  vitam,  Ioan.  5  (v.  29).  16.  In  hoc  vero  ipse  studeo.  Nullus  est  ad  studium  recte  sancteque  vivendi  acrior  stimulus  quam  spes  ultimae  resurrectionis,  ut  pluribus  locis  admonet  scriptura.  Ideo  Paulus  alibi  passim  dum  efficaciter  hortari  vult  fideles,  ad  eius  memoriam  ipsos  revocat.  Quare  non  abs  re  hoc  loco  dicit,  se  hac  fide  subnixum  operam  dedisse,  ut  pure  coram  Deo  viveret  et  iustitiam  coleret  inter  homines.  Et  certe  mala  conscientia  pro  mille  testibus  satis  est  O  Enim.