37:523  523  PRAELECTIONES  524  pietatis  vel  amentiae  prolapsi  sunt  superstitiosi,  quin  semper  confessi  fuerint  aliquod  esse  supremum  numen  :  sed  simul  miscebant  deos  minores  :  sic  etiam  Baalim  apud  illos  erant,  et  patroni,  ut  papistae  vocant  suos  divos,  quia  non  audent  suis  figmentis  tribuere  nomina  deorum.  Talis  igitur  fuit  cavillatio  apud  Iudaeos.  Dicit,  Quomodo  ergo  excusas  te  non  ambulasse  post  Baalim?  vide,  inquit,  vias  tuas,  vide  quid  egeris  in  valle,  et  cognosce  tandem  quomodo  te  gesseris  dromedaria  velox.  Nam  propheta  non  potuit  satis  exprimere  furiosos  illos  impetus,  qui  regnabant  tunc  in  populo,  nisi  conferret  dromedariis.  Quoniam  autem  sub  femineo  genere  alloquitur  populum,  ideo  etiam  ponit  dromedariam  feminam.  Vocari  autem  velocem  non  tantum  propter  celeritatem  cursus  interpretor,  sed  propter  impetuosam  libidinem,  quemadmodum  postea  videbimus.  Hic  autem  locus  docet,  ita  obduruisse  populum  illum,  ut  impudenter  repelleret  omnes  obiurgationes  propheticas.  Impietas  palam  nota  erat:  et  tamen  audebant  semper  obiicere  suos  praetextus,  quasi  immerito  ipsos  prophetae  damnarent.  Nec  mirum  est  tantam  fuisse  contumaciam  in  veteri  illo  populo,  quum  hodie  papistae  non  minus  pervicaciter  resistant  clarae  veritati.  Nam  etsi  apparet  quam  crassa  sit  et  turpis  eorum  idololatria,  tamen  putant  se  elapsos  esse  uno  verbulo,  quum  dicunt  statuas  et  picturas  non  esse  idola  :  populum  quidem  israeliticum  damnatum  fuisse,  quod  sibi  statuas  fabricaverit:  sed  hoc  ideo  esse  factum,  quod  propensus  esset  ad  superstitionem.  Ita  deinde  clamitant  contra  nos,  et  dicunt  nos  impie  calumniari  cultus  illos,  qui  apud  ipsos  recepti  sunt.  Videmus,  et  pueri  etiam  intelligunt,  ut  in  papatu  nullum  genus  superstitionis  non  grassetur:  et  tamen  volunt  videri  esse  immunes  et  puri  ab  omni  culpa.  Idem  etiam  factum  olim  fuit.  Et  quoniam  manebat  templum,  et  illic  populus  offerebat  sacrificia,  et  manebat  aliqua  species  pietatis,  quoties  prophetae  coarguebant  impias  corruptelas,  quae  permixtae  erant,  et  quae  vitiabant  purum  Dei  cultum,  et  erant  quasi  adulteria,  quemadmodum  passim  loquuntur:  Quid?  Annon  colimus  Deum?  Hanc  igitur  contumaciam  nunc  propheta  refellit,  ac  subiicit,  Quomodo  audes  dicere,  n  sum  polluta?  et  non  ambulavi  post  Baalim?  sicuti  hodie  papistae  dicunt,  An  non  credimus  in  unum  Deum?  An  fingimus  diversos  deos?  atqui  spoliant  Deum  omni  virtute,  et  lacerant  eum  in  mille  frusta.  Et  tamen  meretricio  suo  ore  et  fronte  ferrea  nobis  obiectant  se  unum  Deum  colere.  Sic  ergo  etiam  Iudaei.  Sed  propheta  hic  coarguit  stolidam  illam  vanitatem,  Vide,  inquit,  vias  tuas  in  valle:  vide  quid  egeris  tu  dromedaria  velox.  Quoniam  rationibus  vinci  non  poterant,  tanta  erat  illorum  pervicacia:  ideo  comparat  eos  feris  bestiis,  Tos  estis,  inquit,  quasi  lascivae  dromedariae,  quas  rapit  sua  libido,  ut  obli-