35:523  523-524  NOTICE  PRELIMINAIRB.  convenable  que  les  fideles  soyent  suiets  a  tel  examen,  veu  que  par  leur  chef  nostre  Seigneur  Iesus  Christ,  Pire  de  Dieu  a  este  une  fois  appaisee  pour  tousiours,  et  que  par  luy  ils  sont  affranchis  et  delivrez  de  la  tyrannie  du  prince  de  ce  monde.  Parquoy  suyvant  le  conseil  du  sainct  Esprit  il  nous  faut  diligemment  recueillir  des  sainctes  Escritures  les  exemples  de  ceux  qui  ayans  bon  tesmoignage  d'avoir  este  agreables  a  Dieu,  neantmoins  ont  passe  par  telle  fornaise  afin  que  de  la  estans  fortifiez  a  patience,  puissions  resister  a  tous  tels  assauts  violens  de  Satan,  et  emporter  la  victoire  a  l'encontre  de  ses  efforts  pernicieux.  Or  entre  ceux  desquels  VEscriture  fait  mention,  l'exemple  du  bon  Roy  Ezechias  est  excellent,  comme  il  le  declare  suffisamment  et  en  peu  de  paroles  en  son  Cantique,  selon  que  le  Prophet  Isaie  Va  redige  par  escrit  Lequel,  ami  Lecteur,  afin  que  tu  en  faces  tant  mieux  ton  proufit,  ie  te  presente  avec  sa  vraye  exposition,  fidelement  recueillie  des  sermons  de  Iehan  Calvin  loyal  ministre  de  Iesus  Christ,  selon  qu'il  Va  preschee  publiquement,  sans  qu'on  y  ait  depuis  rien  adiouste  ne  diminue.  Cependant  toutesfois  il  faut  que  ie  confesse  que  ie  n'ay  obtenu  de  luy  sans  grande  difficulte  qu'elle  fust  mise  en  lumiere,  comme  aussi  se  persuaderent  facilement  tous  ceux  qui  le  cognoissent  priveement^  d'autant  qu'ils  scavent  bien  qu'il  a  seulement  voulu  servir  au  troupeau  que  Dieu  luy  a  commis,  en  Venseignant  familierement,  et  non  faire  des  Homilies  a  son  loisir  pour  estre  mises  devant  les  yeux  de  tout  le  monde.  Mais  ie  pense  que  ce  seroit  chose  superflue  de  m'arrester  a  te  faire  entendre  de  quelle  dexterite  et  vehemence  il  a  monstre  le  vray  sens  et  nayf  de  ce  Cantique,  ni  aussi  combien  te  sera  proufitable  la  lecture  de  ses  sermons,  estant  asseure  que  l'experience  et  certitude  que  tu  en  auras  en  les  lisant,  t'en  apprendra  plus  que  ie  ne  t'en  scaurois  dire.  De  ma  part  ie  scay  comme  i'ay  este  ravi  oyant  la  vive  voix  de  ce  bon  serviteur  de  Dieu,  conduite  et  guidee  par  le  sainct  Esprit,  sans  fraude  ni  appareil  d'eloquence  humaine,  ains  pure  et  simple,  mais  cependant  vive  et  penetrante,  comme  Dieu  par  sa  grace  me  Va  fait  sentir  a  bon  escient  avec  une  consolation  indicible,  selon  le  bon  besoin  que  i'en  avoye,  estant  pour  lors  en  pareil  combat  d'esprit,  et  agite  de  l'aiguillon  de  semblable  tentation,  autant  que  Dieu  voyoit  m'estre  expedient.  Or  iasoit  que  Dieu  examine  si  vivement  les  siens,  ce  n'est  pas  pourtant  a  dire  que  le  benefice  inestimable  de  nostre  Seigneur  Iesus  Christ  en  soit  aucunement  amoindri  ni  obscurci,  ou  qu'il  leur  faille  venir  en  doute  de  leur  adoption  gratuite  et  amour  paternelle  de  Dieu:  car  au  contraire  par  la  son  excellence  et  vertu  se  declare  tant  mieux,  veu  que  par  iceluy  toutes  les  afflictions  qu'ils  endurent  ne  sont  qu'autant  de  degrez  pour  les  conduire  a  l'heritage  des  cieux,  lequel  il  leur  a  acquis  si  cherement.  Voyla,  amy  lecteur,  dequoy  il  m'a  semble  bon  t'advertir,  apres  t'avoir  procure  un  si  grand  bien  que  d'avoir  la  iouissance  de  ces  beaux  sermons,  qui  autrement  fussent  demeurez  dedans  Venclost  de  la  bergerie  ou  ils  ont  este  prononcez,  te  priant  de  prendre  ceste  miene  bonne  affection  en  gre,  et  prier  avec  moy  nostre  bon  Dieu  et  Pere  qu'il  vueille  bien  tost  confondre  Satan,  et  avancer  de  plus  en  plus  et  maintenir  le  regne  de  nostre  Seigneur  Iesus  Christ,  qui  auiourd'huy  est  si  outrageusement  poursuyvi  par  les  fils  de  ce  siecle,  ennemis  de  verite.  Ainsi  soit-il.  Nous  n'avons  pas  pu  nous  decider  a  copier  les  164  sermons  qui  existent  encore  en  manuscrit.  Comme  les  commentaires  de  Calvin  sont  plutot  pratiques  que  scientifiques,  la  publication  des  sermons  a  cote  de  l'autre  ouvrage  aurait  fait  double  emploi,  sans  compter  que  nous  savons  assez  par  la  double  redactum  du  commentaire  sur  Esaie  combien  peu  ces  redactions  stenographiques  sont  exactes.  Nous  nous  bornons  donc  ici  comme  partout  ailleurs  a  reediter  ce  qui  deja  autrefois  a  ete  publie,  et  cela  generalement  sous  les  yeux  memes  de  l'auteur.