32:523  523  QUATRIEME  SERMON  524  regle  qu'il  nous  a  monstree.  Voyla  donc  comme  du  petit  il  nous  faut  venir  au  grand,  comme  du  particulier  '  il  nous  faufc  venir  au  general.  Du  petit  au  grand,  di-ie,  si  Dieu  nous  donne  nostre  pain  quotidien,  demandons-luy  le  salut  de  nos  ames:  si  Dieu  se  veut  abaisser  iusques  la  de  nous  adviser,  quand  nous  avons  a  traitter  quelque  chose  entre  les  hommes,  pour  les  affaires  terriens  de  ceste  vie  caduque,  prions  le  qu'il  nous  face  ce  bien  de  nous  conduire  aussi  selon  sa  Loy.  Voyla  comme  nous  viendrons  du  petit  au  grand.  Nous  viendrons  aussi  du  particulier  au  general,  quand  nous  dirons,  Seigneur,  tu  m'as  exauce  en  cecy,  qui  est  une  chose  speciale  :  or  par  plus  forte  raison  ie  te  puis  invoquer  d'une  chose  pour  tout  le  temps  de  ma  vie,  c'est  quand  tu  m'auras  mis  au  chemin  de  salut,  que  tu  m'y  entretiennes,  et  que  tu  ne  m'abandonnes  iamais  iusques  a  ce  que  ie  soye  venu  au  but  et  a  la  perfection  a  laquelle  tu  m'appelles.  Il  s'ensuit,  Fay-moy  entendre  la  voye  de  tes  commandemens,  et  ie  mediteray  tes  merveilles.  Voyci  la  troisieme  raison  que  David  allegue  pour  obtenir  de  Dieu,  qu'il  soit  enseigne  en  sa  Loy.  Seigneur,  dit-il,  fay-moy  entendre  la  voye  de  tes  commandemens,  et  alors  ie  parleray  de  tes  merveilles.  Comme  s'il  disoit,  Seigneur,  qu'il  te  plaise  de  m'instruire  selon  ta  volonte,  et  cela  non  seulement  me  servira:  mais  aussi  a  mes  prochains:  car  ie  tascheray  d'amener  aussi  les  autres  a  toy.  Et  c'est  ainsi  qu'il  *  nous  convient  user  des  graces  de  Dieu:  c'est  ascavoir,  qu'elles  ne  soyent  point  comme  ensevelies  en  nous,  mais  qu'elles  profitent  aussi  bien  a  nos  prochains:  que  nous  en  communiquions  a  ceux  ausquels  elles  pourront  servir,  afin  que  Dieu  soit  honnore,  et  que  le  tout  serve  au  salut  commun  des  membres  de  nostre  Seigneur  Iesus  Christ.  Cependant,  nous  avons  a  noter  en  ce  passage,  que  nous  ne  pourrons  pas  enseigner  les  autres,  que  nous  n'ayons  este  auparavant  disciples  de  Dieu.  Il  y  en  &  beaucoup,  qui  s'avancent,  comme  s'ils  estoyent  assez  grans  clercs  pour  enseigner  les  autres.  Et  en  s'ingerant  ainsi,  ils  n'ont  point  encores  cognu  comme  il  faut  scavoir,  ne  pour  eux  ne  pour  les  autres.  Notons  bien  donc  l'ordre  qui  est  yci  observe:  c'est  ascavoir,  que  nous  cognoissons  un  chacun  de  nous  son  ignorance.  David  estoit  un  Prophete  excellent,  et  toutes  fois  il  demande  a  Dieu,  qu'il  luy  face  entendre  la  voye  de  ses  commandemens.  Voire,  mais  n'avoit-il  pas  la  loy  escrite?  Pourquoy  donc  est  ce  qu'il  demande  ce  qu'il  avoit  en  ses  mains?  Or  il  cognoit  que  ce  n'est  pas  le  tout  qu'on  lise,  qu'on  presche  et  qu'on  escoute:  car  il  faut  que  Dieu  nous  ouvre  l'aureille,  ou  autrement  iamais  ne  sera  entendu  de  nous.  Il  faut  qu'il  nous  illumine,  ou  iamais  nous  ne  verrons  sa  clairte,  encores  qu'elle  se  monstre  a  nos  yeux,  et  nous  soit  toute  patente.