5:522  seront  constituez  iustes.  'Et  de  rechief,  nous  sommes  ensepveliz  avec  luy  par  le  baptesme  (Rom.  6,  4),  a  celle  fin  que  tout  ainsi  que  Christ  par  la  gloyre  du  Pere  est  ressuscite  des  mortz,  ainsi  que  nous  cheminions  en  nouveaulte  de  vie.  Et  ia  soit  qu'aux  regenerez  demoure  de  reste  le  materiel  de  peche,  c'est  a  dire  concupiscence,  qui  est  certes  une  grieve  infirmite,  et  la  racine  de  toute  amertume:  toutefoys  le  formel,  qui  est  l'imputation  est  oste.  Car  d'icelle  estans  delivrez  par  le  baptesme,  nou??sommes  revestuz  de  Christ  et  reformez  a  l'image  du  filz  de  Dieu,  pour  le  moins  en  partie,  ainsi  que  dict  l'Apostre  :  Lequel  s'est  livre  soymesme  pour  son  Eglise,  a  celle  fin  qu'il  la  sanctifiast  l'ayant  nettoyee  par  le  lavement  en  la  parolle  (Ephes.  5,  25).  Et  de  rechef:  Quiconques  estez  baptisez  en  Christ,  vous  avez  vestu  Christ  (Gal.  3,  27).  Et  pourtant,  a  cause  du  merite  de  la  passion  de  Christ,  et  pour  Christ  mesme,  lequel  habits  es  sainctz,  le  residu  de  ce  mal  ne  sera  point  impute  a  peche.  Car  il  n'y  a  peche  qui  puisse  astreindre  ceux  qui  craignent  Dieu  a  aucune  condemnation,  laquelle  a  cause  de  Christ  est  abolye,  iusque  a  ce  que  iceluy  peche  se  donne  a  congnoistre,  par  quelque  acte,  cogitation,  ou  convoytise,  ou  en  l'omission  de  l'acte  qu'on  devoit  faire.  Donc  il  n'y  a  point  de  condemnation  en  ceux  qui  sont  en  Iesus  Christ,  qui  ne  cheminent  point  selon  la  chair  (Rom.  8,  1).  Car  la  loy  de  l'esprit  en  Christ  m'a  delivre  de  la  loy  de  pecho  et  de  mort.  Parquoy  S.  Augustin1)  use  bien  de  ces  manieres  de  parler:  La  condemnation  acquise  en  la  premiere  nativite,  en  la  seconde  est  dissoulte.  Item  contre  Iullianus:2)  Ceste  loy  de  peche  (dit-il)  qui  est  es  membres  de  ce  corps  de  mort,  est  par  la  generation  spirituelle  remise,  et  demeure  en  [fol.  ll]  la  chair  mortelle,  elle  est  remise,  dis-ie,  pource  que  l'imputation  est  effacee  par  le  sacrement,  auquel  les  fideles  naissent  de  rechef.  Et  en  un  aultre  lieu  il  dict:  Le  baptize  n'a  aucune  condemnation.  Et  de  rechef:  Le  baptize  est  hors  de  toute  imputation  de  tous  maulx.  Puis  escrivant  a  Boniface:  Le  baptesme  (dit-il)  donne  tout  pardon  des  pechez,  et  oste  les  crimes,  non  point  les  racle.  Et  en  tel  sens  ce  sainct  Evesque  escript  plusieurs  choses.  Il  fault  donc  enseigner  soigneusement  avec  S.  Augustin  que  ceste  loy  de  peche,  et  celle  concupiscence,  qui  reste  es  sainctz,  si  elle  ne  monstre  par  effect  mauvais  fruict,  n'est  point  peche,  qui  les  puisse  obliger  a  condemnation,  car  toute  l'imputation  est  ostee  par  Christ.  Oultre  plus  selon  mesme  S.  Augustin,  il  ?챖ault  aussi  recongnoistre  et  enseigner,  que  l'Apostre  ap-  1)  De  l'espent  et  de  la  lettre.  2)  Au  livre  2.