39:522  get,  quod  Deus  prohibuerat  gentes  Mas  ab  ingressu  sanctuarii.  Atqui  illuc  perruperant  violenter,  neque  tamen  colendi  Dei  causa  ingressi  fuerant,  quoniam  volebat  illos  eiectos  a  sancta  congregatione:  sed  irruperant  in  congregationem,  ut  templum  violarent,  ut  etiam  prosternerent  totum  Dei  cultum,  et  prostituerent  omnibus  ludibriis  religionem.  11.  Totus  populus  eius  gementes,  quaerentes  panem,  dederunt  desiderabilia  sua  (hoc  est,  quidquid  habebant  pretiosum)  pro  cibo  ad  revocandum  animam:  vide  Iehovah,  et  adspice  quia  facta  sum  vilis  (aut,  contempta).  Hic  conqueritur  propheta  omnes  cives  Ierosolymae  fuisse  in  continuo  gemitu  ob  inopiam  et  famem.  Primo  dicit,  omnes  fuisse  gementes,  quia  nomen  populi  est  collectivum,  ideo  utitur  plurali  numero,  .'TONJ.  Dicit  ergo  omnes  esse  in  gemitu:  sed  rationem  simul  exprimit,  quod  quaerant  panem.  Hoc  quidem  esset  omnibus  commune,  cibum  appetere:  sed  hoc  verbo  significat  extremam  inopiam:  quasi  diceret  ipsos  mendicasse.  Comparat  igitur  mendicis,  qui  circumeunt  huc  atque  illuc  ad  cibum  petendum.  Dicit  etiam  dedisse  quaeque  pretiosissima  pro  cibO)  ut  reficerent  animam.  Hic  clarius  exprimitur  fames,  quia  dicit  quodammodo  passos  esse  deliquium.  Alii  vertunt,  Ad  refocillandam  animam,  quod  etiam  non  male  convenit.  Sed  voluit  haud  dubie  propheta  notare  quasi  vitae  defectum,  quum  dicit  eos  dedisse  quidquid  habebant  pretiosum,  ut  possent  animas  suas  revocare  a  morte  scilicet  in  vitam.  Sequitur  precatio,  Vide  Iehovah,  et  adspice,  quia  facta  sum  vilis.  Diximus  hesterna  lectione  querimonias  a  spiritu  Dei  fuisse  dictatas,  quae  fideles  humiliarent,  et  simul  erigerent  ad  bonam  spem,  et  aperirent  etiam  ianuam  precibus.  Alioqui  dum  homines  sibi  indulgent  in  moerore,  se  ipsos  excruciando,  simul  exasperant:  et  deinde  ex  fervore  accenditur  quaedam  vesania.  Ergo  propheta  ut  temperet  impetum  doloris,  et  fervorem  impatientiae,  hic  revocat  iterum  fideles  ad  precandum.  Quum  autem  rogat  Ierosolyma,  ut  Deus  videat,  et  adspiciat,  in  hac  duplicatione  subest  emphasis:  et  ratio  etiam  hoc  melius  declarat,  quod  scilicet  facta  fuerit  vilis:  ubi  ecclesia  nihil  aliud  Deo  proponit,  quo  flectatur  ad  misericordiam,  nisi  suas  miserias.  Non  ergo  profert  in  medium  sua  obsequia,  sed  tantum  deplorat  suas  miserias,  ut  ita  sibi  favorem  apud  Deum  conciliet.  Sequitur,  12.  Non  ad  vos  omnes  qui  transitis  per  viam?  Adspicite,  et  videte  an  sit  dolor  sicut  dolor  meus,  qui  factus  es^  mihi,  quia  afflixit  me  (vel,  dolore  affecit)  Iehovah  in  die  excandescentiae  irae  suae.